Tamaño da mostra

¿A cantos alumnos teño que facer a enquisa?

O tamaño de mostra dunha enquisa depende de:

• A característica que se quere investigar
• O grao de confianza e precisión que se precisan
• O tipo de mostraxe
• As restricións de orzamento

O caso máis doado corresponde á mostraxe aleatoria simple sen reposición cando se quere estimar unha proporción (P). Neste caso o tamaño de mostra é:

• N: Tamaño da poboación
• k: Constante que depende do nivel de confianza fixado. Para un nivel de confianza do 95%, débese tomar k=1,96
• e: máximo erro admisible. A diferenza entre a estimación da proporción e o verdadeiro valor da proporción non debe ser maior que e
• P: proporción de individuos cunha determinada característica
• Q=1-P

Como P é a variable que se quere estimar, non se dispón do valor de P e Q antes de realizar a enquisa. Hai dúas alternativas para estimar o tamaño mostral:

• Poñerse no caso máis desfavorable e considerar P=Q=0,5.
• Obter unhas estimacións previas de P e Q a partir dunha enquisa piloto.