Construción dun mapa dinámico
Nota
Os mapas dinámicos están implementados no estándar SVG. Estes gráficos xa están soportados de forma nativa polos navegadores web recentes.
Unha vez que tes seleccionada a táboa de datos para construír un mapa dinámico tes que premer "Ver mapa dinámico" e coma no caso dos mapas fixos seleccionar a columna que queres representar no mapa.
Os mapas dinámico diferéncianse dos mapas fixos nos seguintes aspectos:
Definición dos intervalos
Ofrecen a posibilidade de modificar os intervalos que por defecto aparecen nos mapas fixos mediante o botón Definir intervalos. Permite tres posibilidades:
- Intervalos con rexistros iguais: a porcentaxe de rexistros dentro dos intervalos é aproximadamente a mesma para todos
- Intervalos que se basean nos valores acumulados da variable representada
- Intervalos personalizados: o usuario pode elixir os intervalos que máis lle interesen segundo as súas necesidades, modificando os que lle aparecen por defecto.
Elabora o mapa do indice de envellecemento dos concellos galegos para o ano 2013 cos seguintes intervalos: menor de 100, maior e igual a 100 e menor de 300 e maior ou igual a 300
Outras funcionalidades
Ademais os mapas dinámicos inclúen as seguintes funcionalidades:
- Pódense visualizar os datos representados mediante o botón "Ver datos"
- Posibilidade de pinchar sobre un concello ou comarca (co botón esquerdo do rato) para que quede fixo o nome do concello e o valor da variable representada.
- Permiten facer zoom sobre o mapa mediante os botóns + e - e tamén se pode desprazar o mapa sobre a pantalla na que se encontra mediante as frechas situadas no panel dereito.
Selecciona o teu concello co botón esquerdo do rato e fixa o valor do indice de envellecemento
Gardar mapa
Na pestana "Descargar mapa como gráfico" que se atopa debaixo do mapa poder descargar o mapa coma unha imaxe para incorporalo noutros documentos