Barras: unha ou varias variables
Nos gráficos de barras que construímos ata o momento representabamos unha determinada variable ou magnitude, o número de turismos, empresas, a porcentaxe de persoas segundo o coñecemento do galego...Pero pode interesarnos comparar dúas magnitudes, como o salario dos homes e das mulleres nas distintas provincias de Galicia (ano 2010):
Neste caso teremos dúas series de datos e empregaremos un gráfico de barras agrupado, no que cada serie de datos represéntase por unha barra da mesma cor ou textura. No gráfico da dereita representamos con cor azul aos homes e morado as mulleres.
Salario bruto anual
A partir deste gráfico poderemos argumentar que os homes gañan máis que as mulleres en todas as provincias galegas, e que a provincia onde as diferenzas son maiores é a de Lugo.
Outro gráfico de barras que se emprega cando temos máis dunha serie de datos é o gráfico de barras apiladas. Neste tipo de gráfico as barras divíndense en segmentos con distintas cores ou texturas que representa cada serie de datos. As barras poden representar porcentaxes ou valores absolutos: no primeiro caso todas as barras mediran o mesmo, e dentro de cada barra as cores representarán as porcentaxes que lle corresponden a cada catergoría.
A seguinte táboa mostra a poboación das provincias galegas no ano 2013 segundo o grupo de idade e temos polo tanto tres series de datos, que se corresponden cos grupos de idade:
Acceso á taboa de datos na web
Na gráfica apilada dos valores en porcentaxe podemos apreciar as diferenzas entre a distribución por idades da poboación nas distintas provincias