A información que se representa nestes mapas provén da fusión de rexistros administrativos con data 1 de xaneiro do ano de referencia e foi xeorreferenciada partindo da localización da dirección postal onde reside cada un dos habitantes de Galicia.

Para facilitar a representación da información e para preservar o segredo estatístico trazouse unha malla regular con celas de 1 km de lado, onde quedou agregada toda a información que corresponde en cada caso.

Ofrécese información sobre Poboación (poboación total, por sexo, nacionalidade ou grupos de idade, idade media, etc.), Afiliación á Seguridade Social (afiliación total, por sexo ou relación laboral), Pensións contributivas da Seguridade Social (perceptores de pensións contributivas, por sexo, así como ingresos por pensións).