Estudo de salarios / Salarios desde o punto de vista do perceptor / Estrutura dos salarios
descarga en pdf
Ao existir pagamentos con período de vencemento superior ao mes, para comparar niveis salariais emprégase o salario anual. No ano 2018 o salario bruto anual situouse en Galicia nos 22.244,59 euros por traballador, un 10,14% superior ao do ano 2014 (20.195,90 euros).
Por sexos, no ano 2018 o salario dos homes é un 27,04% maior que o salario das mulleres, mentres que no ano 2014 o salario dos homes era un 26,45% maior respecto ao salario das mulleres.
O salario ordinario é a partida que máis contribúe ao salario bruto, do que representa no ano 2018 o 90,00%, mentres que os pagamentos extraordinarios e a valoración en especie só representan nese ano o 9,77% e o 0,23% respectivamente. No caso dos homes o salario ordinario representa o 89,59% do salario bruto mentres que nas mulleres esta porcentaxe acada o 90,54%.
| Compoñentes | Total | Homes | Mulleres | Total | Homes | Mulleres |
|---|---|---|---|---|---|---|
| Salario bruto | 20.195,9 | 22.505,1 | 17.797,0 | 22.244,59 | 24.826,91 | 19.543,17 |
| Pagamentos extraordinarios | 2.364,8 | 2.738,9 | 1.976,2 | 2.172,22 | 2.515,14 | 1.813,48 |
| Valoración en especie | 41,3 | 56,8 | 25,1 | 52,11 | 68,21 | 35,27 |
| Salario ordinario | 17.789,8 | 19.709,4 | 15.795,6 | 20.020,26 | 22.243,56 | 17.694,42 |
| (Salario bruto = Salario ordinario + Pagamentos extraordinarios + Valoración en especie) |
Composición do salario bruto anual.
Galicia. Ano 2014.
Composición do salario bruto anual.
Galicia. Ano 2018.
En Galicia, no ano 2018, o salario bruto anual foi un 7,35% menor que a media española (24.009,12 euros).
| Compoñentes | España | Galicia |
|---|---|---|
| Salario bruto | 24.009,12 | 22.244,59 |
| Pagamentos extraordinarios | 2.358,87 | 2.172,22 |
| Valoración en especie | 109,12 | 52,11 |
| Salario ordinario | 21.541,13 | 20.020,26 |
Para analizar a composición do salario segundo os conceptos retributivos pártese do salario mensual medio que, en cifras brutas, acadou no ano 2018 en Galicia o valor de 1.681,22 euros (1.866,34 euros no caso dos homes e 1.487,57 euros no caso das mulleres).
O salario mensual bruto está composto polo salario base, os complementos salariais, os pagamentos extraordinarios e os pagamentos por horas extraordinarias. O salario base é a compoñente principal do salario bruto mensual, do que representa o 69,71% en 2018, seguido dos complementos salariais, que supoñen un 27,31% do salario bruto.
O salario neto obtense a partir do salario mensual bruto despois de deducir as cotizacións á Seguridade Social a cargo do traballador e as retencións do imposto sobre a renda das persoas físicas (IRPF). No ano 2018 este acadou en Galicia o valor de 1.344,62 euros mensuais, 1.474,39 euros no caso dos homes e 1.208,85 euros no das mulleres. En media, as cotizacións á Seguridade Social e as retencións do IRPF representan no ano 2018 o 20,02% do salario bruto mensual dos galegos.
| Compoñentes | Total | Homes | Mulleres | Total | Homes | Mulleres |
|---|---|---|---|---|---|---|
| Salario base | 1.106,6 | 1.220,7 | 988,1 | 1.172,06 | 1.288,09 | 1.050,69 |
| · Complementos salariais | 422,4 | 462,8 | 380,4 | 459,11 | 507,37 | 408,62 |
| · Pagamentos por horas extraordinarias | 4,5 | 7,3 | 1,6 | 9,15 | 14,39 | 3,67 |
| Salario ordinario | 1.533,5 | 1.690,8 | 1.370,1 | 1.640,32 | 1.809,85 | 1.462,98 |
| · Pagamentos extraordinarios | 19,0 | 18,8 | 19,2 | 40,90 | 56,49 | 24,59 |
| Salario bruto | 1.552,5 | 1.709,6 | 1.389,2 | 1.681,22 | 1.866,34 | 1.487,57 |
| · Cotizacións á Seguridade Social | 101,5 | 112,6 | 90,0 | 106,87 | 117,52 | 95,74 |
| · Retencións IRPF | 223,6 | 262,8 | 182,9 | 229,73 | 274,43 | 182,98 |
| Salario neto | 1.227,4 | 1.334,2 | 1.116,4 | 1.344,62 | 1.474,39 | 1.208,85 |
|
(Salario ordinario = Salario base+Complementos salariais+Pagamentos por horas extraordinarias Salario bruto = Salario ordinario+Pagamentos extraordinarios Salario neto = Salario bruto-Cotizacións á Seguridade Social-Retencións IRPF) |
Composición do salario bruto anual segundo o xénero. Galicia, España e provincias
Composición do salario medio mensual segundo o xénero. Galicia, España e provincias
IGE. Elaboración propia a partir dos microdatos da Encuesta de Estructura Salarial elaborada polo INE
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies