descarga en pdf
A operación estatística Construción de edificios ofrece información sobre as licenzas de obra maior que conceden os concellos de Galicia. O colectivo de informantes constitúeo o conxunto dos promotores inmobiliarios e/ou técnicos colexiados que asinan os proxectos de edificación.
A estatística ofrece información sobre o número de edificacións de nova planta a construír (con distinción de se se trata de edificios residencias ou non residencias), a rehabilitar e a demoler. Tamén informa sobre as vivendas de nova planta ás que darán lugar as novas edificacións, o número de vivendas creadas en rehabilitación e a demoler, así como da variación neta do parque de vivendas.
En decembro concedéronse licenzas para 178 edificacións de nova planta. Sobre edificacións xa existentes, concedéronse licenzas para 151 obras de rehabilitación e 23 para obras de demolición de edificios.
Estas licenzas permitirán construír 352 novas vivendas. O número de vivendas creadas en rehabilitación será de 64 e as vivendas a demoler serán 20. A variación neta do parque de vivendas1 este mes foi, por tanto, positiva (396 novas vivendas).
En relación ao acontecido doce meses antes, o número de edificios a construír de nova planta diminuíu en 10 unidades: 178 en decembro de 2024 fronte a 188 en decembro de 2023. O número de vivendas a construír destas características diminuíu en 37 unidades en relación ao rexistrado hai un ano. O número de edificios a rehabilitar é menor que o rexistrado doce meses antes: 151 en decembro de 2024 fronte aos 162 de decembro de 2023.
| De nova planta | A rehabilitar | A demoler | De nova planta | A rehabilitar | A demoler | |
|---|---|---|---|---|---|---|
| 2023/Decembro | 188 | 162 | 13 | 389 | 50 | 17 |
| 2024/Xaneiro | 129 | 148 | 25 | 122 | 74 | 26 |
| 2024/Febreiro | 181 | 152 | 19 | 289 | 55 | 19 |
| 2024/Marzo | 141 | 136 | 20 | 283 | 32 | 16 |
| 2024/Abril | 170 | 151 | 33 | 351 | 56 | 23 |
| 2024/Maio | 180 | 161 | 26 | 240 | 54 | 68 |
| 2024/Xuño | 158 | 138 | 17 | 350 | 49 | 31 |
| 2024/Xullo | 166 | 160 | 40 | 345 | 74 | 21 |
| 2024/Agosto | 132 | 135 | 21 | 315 | 59 | 9 |
| 2024/Setembro | 167 | 150 | 17 | 421 | 79 | 10 |
| 2024/Outubro | 206 | 209 | 12 | 314 | 106 | 16 |
| 2024/Novembro | 171 | 147 | 16 | 196 | 74 | 30 |
| 2024/Decembro | 178 | 151 | 23 | 352 | 64 | 20 |
| Fonte: IGE (descarga da táboa) |
Gráfico coa evolución da variación neta do parque de
vivendas
Fonte: IGE (descarga da táboa)
IGE. Construción de Edificios.
variación neta do parque de vivendas calcúlase como a suma do número de vivendas a crear en nova planta e o de vivendas a crear en rehabilitación, menos o número de demolicións.↩︎
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies