descarga en pdf
Os Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.
O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.
As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.
No mes de setembro os prezos dos bens exportados na Comunidade Autónoma de Galicia diminuíron un 4,2% con respecto ao mesmo mes do ano anterior. Os prezos dos bens importados aumentaron un 2,3% en termos interanuais.
Índices de valor unitario. Taxas de variación interanuais. Galicia
Fonte: IGE (descarga da táboa)
Atendendo á clasificación por destino económico, produciuse unha diminución interanual do 0,23% nos prezos das exportacións de bens de consumo. Os prezos dos bens intermedios diminuíron un 7,88% respecto ao mes de setembro de 2023 e os prezos dos bens de capital baixaron un 11,73%.
Nas importacións, os prezos dos bens de consumo aumentaron un 3,12% respecto ao mes de setembro do ano anterior. Os prezos dos bens intermedios experimentaron un aumento interanual do 3,85% e os dos bens de capital diminuíron un 13,64%.
| 2023/Setembro | 2024/Setembro | Variación interanual | 2023/Setembro | 2024/Setembro | Variación interanual | |
|---|---|---|---|---|---|---|
| BENS DE CONSUMO | 136,72 | 136,41 | -0,23 | 132,26 | 136,38 | 3,12 |
| BENS INTERMEDIOS | 139,84 | 128,82 | -7,88 | 140,03 | 145,42 | 3,85 |
| BENS DE CAPITAL | 152,89 | 134,95 | -11,73 | 90,90 | 78,50 | -13,64 |
| NON ENERXÉTICO | 136,10 | 131,80 | -3,16 | 124,54 | 121,47 | -2,47 |
| IVU TOTAL | 140,30 | 134,43 | -4,18 | 135,95 | 139,11 | 2,32 |
| Fonte: IGE (descarga da táboa) |
Por destino xeográfico, produciuse unha diminución interanual do 10,11% nos prezos dos bens exportados aos países da Unión Económica e Monetaria e una disminución do 9,12% nos das exportacións á Unión Europea. Os prezos das exportacións á OCDE diminuíron en setembro un 4,54% e os dos bens con destino ao resto do mundo diminuíron un 1,25%.
Por orixe dos bens importados, os prezos dos bens procedentes de países pertencentes á Unión Económica e Monetaria diminuíron un 1,12% en termos interanuais. Os prezos das importacións procedentes da Unión Europea aumentaron un 9,56%, os prezos dos bens procedentes de países da OCDE aumentaron un 4,97% e os prezos dos bens importados procedentes do resto do mundo diminuíron un 2,17%.
| 2023/Setembro | 2024/Setembro | Variación interanual | 2023/Setembro | 2024/Setembro | Variación interanual | |
|---|---|---|---|---|---|---|
| UEM | 137,67 | 123,75 | -10,11 | 115,55 | 114,26 | -1,12 |
| UE | 138,45 | 125,82 | -9,12 | 120,85 | 132,40 | 9,56 |
| OCDE | 140,94 | 134,54 | -4,54 | 124,21 | 130,38 | 4,97 |
| Resto do Mundo | 132,13 | 130,48 | -1,25 | 165,18 | 161,60 | -2,17 |
| Fonte: IGE (descarga da táboa) |
IGE. Índices de valor unitario para o comercio exterior. Referencia 2010.
Este sitio web utiliza cookies propias de tipo técnico e de terceiros para optimizar o seu uso. As cookies non se utilizan para recoller información de carácter persoal. Se continúa navegando considérase que acepta o seu uso. Coñeza a nosa política de cookies