Administración pública
Exercicios
- Na seguinte ligazón pódese consultar a evolución dos orzamentos consolidados da Administración xeral, dos organismos autónomos e das axencias públicas da Comunidade Autónoma de Galicia.
- Elabora unha gráfica de liñas coa evolución do orzamento consolidado.
- ¿Canto se reduciu o orzamento en 2011 con respecto ao ano anterior? (en valor absoluto e en porcentaxe).
- Na seguinte táboa móstrase a desagregación funcional do orzamento consolidado de gastos da Administración xeral, dos organismos autónomos e axencias públicas da Comunidade Autónoma de Galicia.
- ¿Cales son as tres partidas ás que se dedica unha maior cantidade do gasto público? (último ano)
- ¿Que porcentaxe do gasto orzamentario supón a débeda pública en 2012? ¿E en 2007?
- Para o último ano dispoñible, ¿cales son as "funcións" que máis reduciron o seu orzamento en porcentaxe con respecto ao ano anterior?
- Selecciona o teu concello no seguinte formulario e responde as preguntas:
- Segundo as liquidacións de orzamentos dos concellos, ¿os ingresos superan aos gastos no teu municipio?
- ¿Canto recadou por impostos directos no último ano?
- ¿En que porcentaxe aumentou (ou diminuíu) este importe respecto ao ano anterior?
- Para o último ano dispoñible, ¿que porcentaxe supón o gasto en persoal sobre o gasto total?
- Na seguinte ligazón tes acceso aos datos sobre débeda pública trimestral da Comunidade Autónoma galega nos tres últimos anos.
- Elabora un gráfico de liñas coa evolución da débeda pública galega.
- ¿Canto aumentou a débeda pública galega no período considerado en porcentaxe?
- ¿Cal das comunidades presenta maior ratio? ¿E menor?
- ¿Que significa esta ratio e que implica o seu valor no caso galego?
- Na seguinte táboa amósanse os ingresos tributarios da Comunidade Autónoma galega no último ano dispoñible. A partir da información presentada, responde ás seguintes cuestións:
- ¿Cal das partidas impositivas é a que máis contribúe aos ingresos tributarios da Comunidade Autónoma galega?
- ¿Cal é o peso do Imposto sobre a renda das persoas físicas (IRPF) na recadación total?
- ¿E no subconxunto dos impostos directos?
- ¿Por cal dos capítulos ingresa máis Galicia en concepto de tributos: polos impostos directos, polos indirectos, ou polas taxas e outros ingresos?
- ¿Poderías construír un gráfico de sectores que reflectise o peso de cada tributo no total da recadación?
- No gráfico de abaixo clasifícase a poboación galega en función do tramo de renda que declararon na liquidación do Imposto sobre a renda das persoas físicas (IRPF) en 2009:
Gráfico 1. Número de declaracións do IRPF presentadas en Galicia
segundo o tramo da base impoñible. Ano 2009
- ¿Cantas declaracións de IRPF se presentaron en 2009 no teu concello?
- ¿Cal dos tramos da base impoñible é o máis frecuente no teu concello?
- ¿Que porcentaxe supón este tramo sobre o total de declaracións presentadas en 2009 no teu concello?
- ¿Cal foi o valor do rendemento medio declarado no teu concello en 2009?
- ¿En que porcentaxe aumentou ou diminuíu este valor con respecto ao ano anterior?