Representacións gráficas

Definición

Un diagrama de dispersión é unha representación gráfica que recolle información sobre dúas variables e permite coñener a relación existente entre elas.

O diagrama de dispersión consiste en representar nos eixos coordenados os pares de puntos observados. Neste tipo de representacións hai que ter en conta os valores máximo e mínimo dos grupos de datos, para escoller a escala de representación adecuada aos mesmos e evitar así erros de interpretación.

Exemplo

Na seguintes ligazóns aparecen os datos do índice de envellecemento e a taxa bruta de mortalidade para os concellos de Lugo no ano 2010: Índice de envellecemento, Taxa bruta de mortalidade

Con estes datos elabóranse a táboa e o gráfico:

Concello	Índice de envellecemento	Taxa bruta de mortalidade
Abadín	452,2	13,8
Alfoz	327,6	16,9
Antas de Ulla	403,9	19,9
Baleira	437,1	10,5
Baralla	358,2	14,5
Barreiros	323,4	15,4
...	...	..

Índice de envellecemento e taxa bruta de mortalidade dos concellos de Lugo
Ano 2010

¿Como elaborar un gráfico de dispersión?

• Coa folla de cálculo OpenOffice Calc (Video demostración)

  + Mostrar paso a paso

  (Se queres ver o vídeo a pantalla completa pincha nesta ligazón)

  1. Abrir unha folla de cálculo de OpenOffice onde estean os datos que se queren representar no gráfico de dispersión.
  2. Seleccionar o rango que se quere representar; neste exemplo, a taxa bruta de mortalidade e o índice de envellecemento dos concellos da provincia de Lugo.
  3. A continuación, na barra de menús seleccionar "Inserir", submenú "Gráfico".
  4. No asistente para gráficos, en tipo de gráfico, escoller "XY (Dispersión)" e no apartado "elementos da gráfica" escoller a configuración de títulos, lendas e grades.
• Mediante a aplicación dispoñible na páxina web do IGE

  + Mostrar paso a paso

  A páxina web do IGE ( www.ige.eu) permite elaborar gráficos de dispersión a partir das táboas de datos dispoñibles na web.

  1. Unha vez que se ten a táboa cos datos que interesan, por exemplo a da idade media a 1 de xaneiro e o índice de envellecemento para os concellos de Galicia no ano 2012, só hai que premer no botón de "Ver gráfico" par a obter o gráfico correspondente (por defecto o primeiro gráfico que se mostra é o gráfico de barras).

  + Ver imaxe

  

  2. Na marxe esquerda da páxina web pódese seleccionar o tipo de gráfico que se quere visualizar. Neste caso escoller "gráfico de dispersión"

  + Ver imaxe

  

  3. A gráfica resultante pódese gardar como imaxe premendo sobre ela co botón dereito do rato e seleccionando a opción "Gardar imaxe como ..."

Máis exemplos

• A partir dos datos dispoñibles na folla de cálculo OpenOffice Calc Exemplo_dispersion.ods elabora un diagrama de dispersión da idade media e a renda dispoñible bruta por habitante dos concellos da provincia de Pontevedra no ano 2009.