Ingresos dos fogares galegos. Ano 2011

   Este test foi elaborado por José Antonio Rama López no curso "Recursos do portal educativo do Instituto Galego de Estatística para matemáticas". Este curso foi impartido polo IGE en colaboración coa Consellería de Cultura, Educación e Ordenación Universitaria, en Santiago de Compostela no mes de novembro de 2013.

	Este histograma, con intervalos de diferente amplitude, correspóndese cos datos da táboa de frecuencias absolutas, onde cada ni indica o número de fogares que no 2011 tiñan uns ingresos dentro do correspondente intervalo
Cos datos da táboa e utilizando unha folla de cálculo deberás construír a táboa completa de frecuencias.

A. As alturas das columnas rectangulares do histograma non coinciden coas frecuencias absolutas, iso é debido a que:
        Os intervalos de clase teñen distinta amplitude
        A frecuencia absoluta non é a área do rectángulo, senón a altura
        Deberiamos facer unha gráfica de sectores

   B. Calcula a mediana e a media aritmética. Obsérvase que:
        A mediana é maior que a media aritmética
        A mediana está dentro do intervalo modal
        A mediana é menor que a media aritmética

   C. A liña vertical ao eixo dos intervalos que divide ao histograma en dúas zonas de igual área corta ao eixo horizontal nun punto. O número asignado a este punto é:
        A media aritmética
        A moda
        A mediana

   D. Se calculamos N₄, a cuarta frecuencia absoluta acumulada, obtemos:
        442,392
        A porcentaxe de fogares que ingresan menos de 1.500 euros
        O número total de fogares que ingresan menos de 1.500 euros

   E. Se todos os x_i coincidiran coa media, entón, tendo en conta os datos da nosa táboa, a desviación típica sería de:
        Cero euros
        Cen euros
        Mil euros

   F. A desviación típica, sen decimais, é:
        1.083 euros
        1.750 euros
        1.872 euros

   G. Cal é a porcentaxe de fogares que ingresan máis de 2.000 euros?
        62,49%
        37,51%
        13,65%

   H. O intervalo de maior frecuencia absoluta non se corresponde coa base do rectángulo de maior altura no histograma. A que se debe esta circunstancia?
        A un erro de cálculo
        Á diferente amplitude dos intervalos
        Á que a media non está no intervalo modal

   I. Que porcentaxe aproximado de datos queda fóra do intervalo de extremos: Media - Desviación típica e Media + Desviación típica?
        Arredor do 85%
        Arredor do 30%
        Arredor do 15%

   J. Se todos os intervalos tiveran a mesma amplitude, entón sempre:
        O rectángulo de maior altura correspondería co intervalo de maior frecuencia absoluta
        A mediana coincidiría coa media
        Sería a maneira correcta de construír un histograma