Estudo Salarios. Salarios nas fontes tributarias
Último ano incluido: 2022
Resumo de resultados 15/12/2023
ÍNDICE
- Introdución
- Salario medio anual. España e Galicia
- Percepcións salariais segundo o grupo de poboación ao que pertencen as persoas asalariadas. Galicia
- Salario medio anual por ramas de actividade. España e Galicia
- Persoas asalariadas e percepcións salariais por grupos de idade. España e Galicia
- Salario medio anual por sexo e grupos de idade. Galicia
- Datos provinciais
- Definicións, fontes e máis información
descarga en pdf
Estudo de salarios / Salarios nas fontes tributarias
Introdución
Neste apartado utilízase a estatística “Mercado de trabajo y Pensiones en las fuentes tributarias” realizada pola Axencia Tributaria para facer unha análise dos salarios dende a óptica do perceptor, utilizando como variables de clasificación a provincia e a Comunidade Autónoma, o sexo, a idade, a rama de actividade e os tramos de salario. A estatística achega información desde o ano 1999 ata o ano 2022.
A estatística ten carácter censual e está baseada nas declaracións anuais do Modelo 190 que presentan todas as persoas físicas, xurídicas e demais entidades que, estando obrigadas a reter ou ingresar a conta polo imposto sobre a Renda das Persoas Físicas, satisfagan ou abonen algunha renda no ano de referencia da estatística.
Esta estatística permite coñecer o perfil demográfico da poboación asalariada por sexo, a masa salarial por tramos de idade e polo tanto, o salario medio para cada tramo. Ademais, tamén proporciona a clasificación dos asalariados para 10 ramas de actividade co seu correspondente salario medio.
Á hora de interpretar os resultados debe terse en conta que nesta estatística ao longo do ano as persoas poden obter percepcións salariais de máis dunha empresa e dous ou máis tipos de percepcións1. Ademais o número de asalariados anuais calcúlase como a suma de persoas que ao longo do ano tiveron algunha percepción salarial; e o salario medio anual como a suma dos salarios anuais dividida polo número de asalariados. En consecuencia, o salario medio anual tende a ter un nesgo á baixa en comparación con outras estatísticas nas que o denominador é o número de asalariados calculado como media anual. Un incremento da temporalidade, por exemplo, fará que o salario medio calculado neste apartado diminúa máis que un salario por hora traballada.
Salario medio anual. España e Galicia
No ano 2022 rexístrase o salario medio anual máis alto da serie desta estatística en Galicia (21.999 euros). O número de persoas que recibiron un salario en 2022 incrementouse ata os 1.067.825 e tamén aumenta a retribución total, que alcanza o seu máximo na serie temporal. O salario medio anual rexistrou unha alza en Galicia de 1.213 euros, cando en España se incrementou en 1.262 euros (pasa de 21.519 euros a 22.781 euros).
Desde o ano 2007 as diferenzas entre o salario medio anual en Galicia e en España reducíronse. Esta diferenza marcou o máximo no ano 2007 (1.344 euros anuais) e o mínimo no ano 2020 (603 euros anuais). En Galicia, o ano 2014 foi o último ano con decrecemento do salario medio e, desde esa data, o salario medio anual medrou máis que en España.
O salario medio anual das mulleres medrou 1.086 euros no ano 2022, mentres no caso dos homes fíxoo en 1.367 euros. Este comportamento é similar ao ocorrido no conxunto do Estado no que tamén se produce un maior crecemento dos salarios medios anuais dos homes. Esta evolución incrementa a diferenza entre os salarios medios de homes e mulleres, que en 2022 se sitúa en 4.519 euros anuais en Galicia e 4.999 euros en España. O salario medio das mulleres galegas, aínda que é máis baixo que o español, aproxímase máis ao da media de España que no caso dos homes.
| España | Galicia | España | Galicia | España | Galicia | |
|---|---|---|---|---|---|---|
| 1999 | 12.719 | 11.869 | 14.547 | 13.092 | 9.806 | 9.704 |
| 2000 | 13.279 | 12.230 | 15.239 | 13.554 | 10.266 | 10.011 |
| 2001 | 13.932 | 12.763 | 16.038 | 14.249 | 10.811 | 10.378 |
| 2002 | 14.370 | 13.241 | 16.588 | 14.834 | 11.175 | 10.783 |
| 2003 | 14.963 | 13.672 | 17.198 | 15.333 | 11.838 | 11.216 |
| 2004 | 15.658 | 14.355 | 17.964 | 16.155 | 12.424 | 11.727 |
| 2005 | 16.018 | 14.887 | 18.321 | 16.742 | 12.800 | 12.225 |
| 2006 | 16.849 | 15.678 | 19.314 | 17.671 | 13.497 | 12.911 |
| 2007 | 18.087 | 16.743 | 20.750 | 18.852 | 14.568 | 13.898 |
| 2008 | 18.996 | 17.736 | 21.596 | 19.932 | 15.620 | 14.856 |
| 2009 | 19.085 | 18.217 | 21.433 | 20.271 | 16.110 | 15.594 |
| 2010 | 19.113 | 18.314 | 21.449 | 20.408 | 16.209 | 15.704 |
| 2011 | 19.102 | 18.271 | 21.422 | 20.393 | 16.264 | 15.688 |
| 2012 | 18.601 | 17.737 | 20.876 | 19.865 | 15.872 | 15.227 |
| 2013 | 18.505 | 17.770 | 20.647 | 19.820 | 15.956 | 15.383 |
| 2014 | 18.420 | 17.729 | 20.537 | 19.746 | 15.917 | 15.414 |
| 2015 | 18.645 | 17.839 | 20.779 | 19.899 | 16.143 | 15.501 |
| 2016 | 18.835 | 18.114 | 21.026 | 20.243 | 16.281 | 15.730 |
| 2017 | 19.172 | 18.463 | 21.417 | 20.554 | 16.568 | 16.123 |
| 2018 | 19.809 | 19.159 | 22.095 | 21.327 | 17.180 | 16.755 |
| 2019 | 20.566 | 19.879 | 22.875 | 22.038 | 17.927 | 17.511 |
| 2020 | 20.503 | 19.900 | 22.640 | 21.887 | 18.047 | 17.720 |
| 2021 | 21.519 | 20.786 | 23.724 | 22.818 | 19.011 | 18.580 |
| 2022 | 22.781 | 21.999 | 25.137 | 24.185 | 20.138 | 19.666 |
Percepcións salariais segundo o grupo de poboación ao que pertencen as persoas asalariadas. Galicia
Da poboación que recibiu rendas salariais en Galicia, máis de 856 mil
galegos recibiron en 2022 só este tipo de rendas. Neste ano destaca o
descenso do colectivo que percibiu rendas salariais e prestacións de
desemprego, nas que se inclúen as que proveñen dos expedientes de
regulación temporal de emprego (ERTE). A porcentaxe de persoas
asalariadas que só reciben rendas salariais sitúase no 80,2%, mentres o
15,6% do colectivo de asalariados percibiu prestacións por desemprego en
2022.
O tipo medio de retención situouse no 15,29%, isto é,
incrementouse en máis de medio punto con respecto ao ano anterior. No
colectivo que percibe rendas salariais e pensións o tipo é máis alto
(16,05%).
| 2020 | 2021 | 2022 | |
|---|---|---|---|
| Total | |||
| Persoas | 1.023.742 | 1.042.813 | 1.067.825 |
| Retribucións (miles de €) | 20.372.460 | 21.676.121 | 23.491.180 |
| Retribución anual media (€) | 19.900 | 20.786 | 21.999 |
| Retencións (miles de €) | 3.003.739 | 3.191.257 | 3.590.961 |
| Tipo de retención (%) | 14,74 | 14,72 | 15,29 |
| Asalariados | |||
| Persoas | 638.805 | 777.923 | 856.766 |
| Retribucións (miles de €) | 15.430.214 | 18.364.303 | 20.612.538 |
| Retribución anual media (€) | 24.155 | 23.607 | 24.059 |
| Retencións (miles de €) | 2.487.376 | 2.869.130 | 3.280.978 |
| Tipo de retención (%) | 16,12 | 15,62 | 15,92 |
| Asalariados e pensionistas | |||
| Persoas | 38.808 | 42.335 | 44.255 |
| Retribucións (miles de €) | 626.212 | 699.025 | 765.981 |
| Retribución anual media (€) | 16.136 | 16.512 | 17.308 |
| Retencións (miles de €) | 101.214 | 109.382 | 122.959 |
| Tipo de retención (%) | 16,16 | 15,65 | 16,05 |
| Asalariados e desempregados | |||
| Persoas | 335.275 | 215.945 | 162.014 |
| Retribucións (miles de €) | 4.198.652 | 2.548.592 | 2.063.076 |
| Retribución anual media (€) | 12.523 | 11.802 | 12.734 |
| Retencións (miles de €) | 404.212 | 207.553 | 182.973 |
| Tipo de retención (%) | 9,63 | 8,14 | 8,87 |
| Asalariados, pensionistas e desempregados | |||
| Persoas | 10.854 | 6.610 | 4.790 |
| Retribucións (miles de €) | 117.382 | 64.201 | 49.584 |
| Retribución anual media (€) | 10.815 | 9.713 | 10.352 |
| Retencións (miles de €) | 10.936 | 5.191 | 4.051 |
| Tipo de retención (%) | 9,32 | 8,09 | 8,17 |
Salario medio anual por ramas de actividade. España e Galicia
En Galicia, no ano 2022 o maior salario medio rexístrase no sector das Entidades financeiras e aseguradoras e o menor nos Outros servizos persoais e de ocio. Con respecto a 2021 medra o salario medio anual en todos os sectores.
En canto ás diferenzas de nivel no salario medio por sectores, Galicia supera a España no sector primario (no que o emprego asalariado ten pouca entidade en Galicia) e no sector da Construción. No resto de sectores o salario medio anual é superior en España, e as maiores diferenzas prodúcense en Entidades financeiras e aseguradoras e Información e comunicacións. As diferenzas máis pequenas están no Comercio, reparacións e transporte; e en Servizos sociais.
| Sector | España | Galicia | España | Galicia | España | Galicia | España | Galicia | España | Galicia |
|---|---|---|---|---|---|---|---|---|---|---|
| Total sectores | 19.809 | 19.159 | 20.566 | 19.879 | 20.503 | 19.900 | 21.519 | 20.786 | 22.781 | 21.999 |
| Agricultura, gandería, silvicultura e pesca | 7.726 | 15.991 | 8.284 | 15.792 | 8.411 | 15.619 | 9.037 | 16.507 | 9.803 | 17.786 |
| Industria extractiva, enerxía e auga | 28.986 | 28.923 | 29.258 | 29.021 | 29.799 | 29.233 | 29.990 | 29.780 | 32.117 | 31.070 |
| Industria | 24.112 | 21.783 | 24.752 | 22.570 | 24.188 | 21.870 | 25.442 | 22.903 | 26.673 | 24.462 |
| Construción e actividades inmobiliarias | 18.287 | 18.379 | 19.196 | 19.233 | 18.716 | 18.868 | 19.979 | 19.953 | 21.141 | 21.218 |
| Comercio, reparacións e transporte | 18.623 | 18.092 | 19.162 | 18.845 | 18.446 | 18.227 | 19.695 | 19.238 | 21.094 | 21.001 |
| Información e comunicacións | 30.796 | 24.394 | 31.801 | 25.112 | 32.645 | 25.771 | 33.566 | 26.625 | 35.253 | 27.708 |
| Entidades financeiras e aseguradoras | 38.758 | 32.017 | 43.763 | 34.932 | 43.955 | 34.417 | 43.982 | 34.889 | 45.431 | 35.680 |
| Servizos ás empresas | 17.652 | 15.025 | 18.340 | 15.621 | 18.347 | 15.593 | 19.285 | 16.331 | 20.206 | 16.958 |
| Servizos sociais | 23.924 | 23.959 | 25.366 | 25.281 | 26.225 | 26.074 | 26.722 | 26.720 | 28.201 | 27.985 |
| Outros servizos persoais e de ocio | 11.194 | 9.632 | 11.615 | 9.967 | 9.342 | 8.500 | 10.844 | 9.657 | 12.718 | 11.109 |
Persoas asalariadas e percepcións salariais por grupos de idade. España e Galicia
Nos seguintes gráficos amósase a estrutura comparada das persoas asalariadas e da masa salarial por grupo de idade de Galicia e España. O grupo de idade máis numeroso é o que vai dos 46 a 55 anos, tanto en Galicia como en España, porén a porcentaxe que representa este grupo é superior en Galicia. Isto ocorre cos grupos de maior idade en detrimento dos de menor idade, nos que a porcentaxe en España é maior: no grupo de idade de 18 a 25 anos concéntrase o 8,4% das persoas asalariadas en Galicia por un 11,0% en España.
Coa representación en forma de pirámide de idades da masa salarial e das persoas asalariadas por sexo, preténdese amosar nunha imaxe fixa as diferenzas estruturais demográficas entre Galicia e o conxunto de España na composición da poboación asalariada por idades e sexo e o correspondente reparto da masa salarial entre os grupos de persoas asalariadas.
As observacións máis salientables resúmense nos seguintes
puntos:
- A poboación asalariada galega está máis envellecida que
a española. A proporción da poboación asalariada que ten máis de 55 anos
supera á media española en 1,2 puntos porcentuales. En contraste, os
novos (menores de 36 anos) teñen maior peso en España que en Galicia: un
31,4% fronte a un 27,1%.
- Na poboación nova asalariada (menor de
36 anos) existe unha gran diferenza entre o peso da súa masa salarial e
o peso poboacional no conxunto de persoas asalariadas: en Galicia esta
diferenza é de 9,1 puntos e en España de 10,6 puntos. En Galicia implica
que o 27,1% da poboación asalariada recibe o 18,0% da masa
salarial.
- No resto de grupos de idade a proporción de masa
salarial supera á de poboación, sendo o grupo de 46 a 55 anos o que
presenta unha situación máis favorable: o 28,0% das persoas asalariadas
absorben o 32,6% da masa salarial.
- Por sexos, no grupo de 36 a
45 anos as mulleres (13,2% da poboación asalariada) perciben o 12,1% da
masa salarial.
- Pola contra, no grupo de 46 a 55 anos, os homes
(14,4% da poboación asalariada) perciben o 18,8% da masa salarial.
Salario medio anual por sexo e grupos de idade. Galicia
| Idade | 2020 | 2021 | 2022 | 2020 | 2021 | 2022 | 2020 | 2021 | 2022 |
|---|---|---|---|---|---|---|---|---|---|
| Total idade | 19.900 | 20.786 | 21.999 | 21.887 | 22.818 | 24.185 | 17.720 | 18.580 | 19.666 |
| Menor de 18 anos | 2.224 | 1.892 | 1.843 | 2.523 | 2.218 | 2.119 | 1.765 | 1.468 | 1.515 |
| De 18 a 25 anos | 7.149 | 7.439 | 7.948 | 8.068 | 8.306 | 8.821 | 6.073 | 6.439 | 6.969 |
| De 26 a 35 anos | 15.342 | 16.590 | 17.854 | 16.342 | 17.540 | 18.810 | 14.297 | 15.604 | 16.871 |
| De 36 a 45 anos | 20.258 | 21.244 | 22.553 | 22.320 | 23.373 | 24.819 | 18.079 | 19.014 | 20.210 |
| De 46 a 55 anos | 23.199 | 24.212 | 25.635 | 25.820 | 27.025 | 28.684 | 20.308 | 21.155 | 22.388 |
| De 56 a 65 anos | 24.937 | 25.525 | 26.815 | 27.084 | 27.702 | 29.310 | 22.407 | 23.008 | 24.008 |
| Maior de 65 anos | 21.157 | 22.471 | 23.618 | 25.536 | 26.309 | 27.323 | 15.105 | 17.253 | 18.779 |
Por idade, todos os colectivos teñen un salario medio anual superior ao rexistrado en 2021, coa excepción dos asalariados menores de 18 anos. A maior subida porcentual atopámola no grupo de idade de 26 a 35 anos, cun incremento do 7,6%.
O salario medio é superior nos homes en todos os niveis de idade, porén as diferenzas reducíronse nos dous grupos de idade máis baixos e no grupo máis alto. En 2022 tanto no caso dos homes como no caso das mulleres, produciuse unha suba do salario medio en todos os grupos de idade coa excepción do grupo que recolle aos menores de 18 anos. En 2022 neste grupo hai 2.556 asalariados, dos 1.067.825 asalariados totais.
Datos provinciais
Salario medio anual por provincias
Ata o ano 2022 o perfil da evolución do salario medio anual é similar
nas catro provincias: forte crecemento ata o ano 2008, moderación nos
anos 2009 e 2010 e diminución ata o ano 2013, no que o salario medio se
estabiliza con lixeiras variacións á alza ou á baixa. Desde 2015
rexístranse crecementos nas catro provincias ata o ano 2019. No ano 2022
o comportamento é positivo nas catro provincias, sendo a provincia da
Coruña a que rexistra un maior incremento porcentual do salario medio
anual
A Coruña é a única provincia na que o salario medio supera
á media galega; séguelle a bastante distancia Pontevedra e Lugo, sendo o
nivel medio de Ourense inferior. No caso de Pontevedra no ano 2001 o
salario medio aproximábase moito á media galega (189 euros anuais por
enriba do dato para Galicia), no ano 2022 a diferenza amplíase e sitúase
en 902 euros por debaixo da media galega.
| Galicia | A Coruña | Lugo | Ourense | Pontevedra | |
|---|---|---|---|---|---|
| 1999 | 11.869 | 12.508 | 10.966 | 10.990 | 11.682 |
| 2000 | 12.230 | 12.738 | 11.444 | 11.335 | 12.157 |
| 2001 | 12.763 | 13.403 | 11.963 | 11.766 | 12.574 |
| 2002 | 13.241 | 13.954 | 12.264 | 12.189 | 13.047 |
| 2003 | 13.672 | 14.369 | 12.715 | 12.660 | 13.474 |
| 2004 | 14.355 | 15.172 | 13.379 | 13.406 | 14.005 |
| 2005 | 14.887 | 15.729 | 13.933 | 13.940 | 14.494 |
| 2006 | 15.678 | 16.539 | 14.592 | 14.693 | 15.322 |
| 2007 | 16.743 | 17.629 | 15.754 | 15.736 | 16.339 |
| 2008 | 17.736 | 18.823 | 16.642 | 16.535 | 17.184 |
| 2009 | 18.217 | 19.395 | 17.273 | 17.039 | 17.489 |
| 2010 | 18.314 | 19.411 | 17.322 | 17.169 | 17.676 |
| 2011 | 18.271 | 19.404 | 17.243 | 17.105 | 17.605 |
| 2012 | 17.737 | 18.895 | 16.703 | 16.564 | 17.036 |
| 2013 | 17.770 | 18.988 | 16.703 | 16.532 | 17.034 |
| 2014 | 17.729 | 18.892 | 16.724 | 16.552 | 17.014 |
| 2015 | 17.839 | 18.972 | 16.806 | 16.595 | 17.184 |
| 2016 | 18.114 | 19.360 | 16.954 | 16.680 | 17.422 |
| 2017 | 18.463 | 19.539 | 17.409 | 17.109 | 17.898 |
| 2018 | 19.159 | 20.385 | 17.959 | 17.614 | 18.529 |
| 2019 | 19.879 | 21.208 | 18.648 | 18.280 | 19.160 |
| 2020 | 19.900 | 21.172 | 18.963 | 18.447 | 19.105 |
| 2021 | 20.786 | 22.000 | 19.823 | 19.398 | 20.046 |
| 2022 | 21.999 | 23.456 | 20.788 | 20.355 | 21.097 |
Tramos de salario. Índice de Gini por sexo e por provincias
A curva de Lorenz amosa graficamente a concentración do ingreso ou da riqueza dun espazo determinado (o máis usual é o conxunto de persoas ou fogares dun país ou rexión). Canto máis cerca esté a curva da recta que une os puntos (0,0) e (100,100), máis igualitaria será a distribución da renda, sendo o caso extremo cando a distribución coincida coa recta, na que todos os individuos percibirían a mesma renda. Cos datos obxecto de análise, relaciónanse as porcentaxes acumuladas de poboación asalariada coas porcentaxes acumuladas de masa salarial nun ano.
A partir da curva de Lorenz calcúlase o índice de Gini, que proporciona unha medida cuantitativa do grao de concentración dos ingresos (ou da riqueza) dun determinado país, rexión ou grupo social. Este coeficiente varía entre 0 e 1, onde o 0 indica a igualdade máxima e o 1 cando un só individuo acapara todo o ingreso. Polo tanto, este coeficiente permítenos facer comparacións no grao de desigualdade entre os grupos obxecto de estudo e a súa evolución no tempo.
Coa información relativa aos 13 tramos de percepcións anuais por salario, determinados como múltiplos das percepcións mínimas interprofesionais anuais, calcúlase o índice de Gini para ter unha aproximación ao grao de desigualdade no tempo e no ámbito territorial (Galicia e provincias).
En primeiro lugar represéntase a curva de Lorenz de Galicia e de España. A imaxe das dúas curvas superpostas indica que a distribución salarial en España é lixeiramente máis desigual que en Galicia.
Se comenzamos polos salarios máis baixos, vese que en Galicia hai un 33,6% da poboación asalariada que percibe un 10,5% da masa salarial (en España o 36,5% das persoas asalariadas percibe o 10,5% da masa salarial) e que o 75,3% absorbe o 48,3% dos salarios en Galicia, e en España o 73,1% do colectivo asalariado o 42,8% da masa salarial.
Se nos situamos nas rendas salariais máis elevadas, en Galicia un 9,9% das persoas asalariadas reciben o 28,5% da masa salarial, en cambio en España un 11,9% recibe o 34,6% dos salarios totais.
As rendas salariais están máis concentradas en España que en Galicia, é dicir, a distribución do ingreso é menos desigual na nosa Comunidade autónoma.
Como se deduce do gráfico no que se representa o índice de Gini referido ao ano 2022, a desigualdade nos ingresos por salarios, é maior nas mulleres que nos homes nas catro provincias, sendo Lugo a que rexistra a diferenza máis elevada. Ou dito doutro xeito, as diferenzas salariais son máis elevadas nas mulleres asalariadas que nos homes asalariados.
En canto á evolución temporal, o grao de desigualdade redúcese no ano 2022, recuperando a tendencia mostrada desde 2017, que se interrompera no ano 2020.
Definicións, fontes e máis información
Definicións
Descarga de datos
Persoas asalariadas, percepcións salariais e salarios por idade e sexo. España, Galicia e provincias
Grupos de poboación segundo a natureza das súas retribucións. España e Galicia
Fontes de información
Agencia Tributaria. Mercado de Trabajo y Pensiones en las fuentes tributarias
As persoas asalariadas poden clasificarse segundo o grupo de poboación ao que pertencen. Estes grupos son os seguintes: poboación que só percibe salario, poboación que percibe salario e pensión, poboación que percibe salario e prestación por desemprego e poboación que percibe salario, pensión e prestación por desemprego. Para cada un destes grupos pode calcularse o salario medio anual.↩︎