Salarios desde o punto de vista do perceptor:
Proporción de asalariados con salarios baixos
Resumo de resultados 21/05/2021
ÍNDICE
descarga en pdf
Proporción de asalariados con salarios baixos
Considéranse asalariados con salarios baixos aqueles que gañan 2/3 ou menos da mediana das ganancias brutas por hora na rexión/país de referencia. Polo tanto, cómpre resaltar que o limiar empregado para determinar que salarios son baixos é específico de cada país. Para o cálculo deste indicador só se consideran os asalariados de empresas de 10 ou máis asalariados incluídas nalgunha das seccións B a S (excluída a O: “Administración pública, defensa e seguridade social obrigatoria”) da CNAE 2009
En Galicia, no ano 2018 o 13,1% dos asalariados tiña salarios baixos, unha porcentaxe lixeiramente superior á do ano 2006, que era do 8,2%.
A consideración deste indicador segundo o sexo permite observar importantes diferenzas entre homes e mulleres. Así, no ano 2018 a porcentaxe de mulleres asalariadas con salarios baixos en Galicia acadou o valor do 19,1% fronte ao 7,4% dos homes.
| Sexo | 2006 | 2010 | 2014 | 2018 |
|---|---|---|---|---|
| Total | 8,2 | 10,5 | 11,2 | 13,1 |
| Homes | 4,0 | 4,7 | 6,3 | 7,4 |
| Mulleres | 13,9 | 17,4 | 16,3 | 19,1 |
Proporción de asalariados con salarios baixos segundo a idade
Se se fai a análise da proporción de salarios baixos segundo a idade, obsérvase que nos menores de 30 anos este indicador ascende ao 20,1%, moi por encima do dato para os asalariados de 50 e máis anos, que se sitúa no 11,9%.
| Edad | 2006 | 2010 | 2014 | 2018 |
|---|---|---|---|---|
| Total | 8,2 | 10,5 | 11,2 | 13,1 |
| Menor de 30 anos | 13,0 | 18,2 | 19,8 | 20,1 |
| 30-49 anos | 6,1 | 9,9 | 10,9 | 12,6 |
| 50 anos e máis | 6,6 | 7,2 | 8,6 | 11,9 |
Proporción de asalariados con salarios baixos segundo o nivel de estudos
Tendo en conta a proporción de asalariados con salarios baixos segundo o nivel de estudos, obsérvase que a medida que aumenta o nivel de estudos a proporción de asalariados con salarios baixos é menor.
| Nivel de estudos | 2014 | 2018 |
|---|---|---|
| Total | 11,2 | 13,1 |
| Menos que primaria, primaria e secundaria 1ª etapa | 15,6 | 20,5 |
| Secundaria 2ª etapa e postsecundaria non terciaria | 12,3 | 13,1 |
| Terciaria | 5,2 | 4,0 |
Proporción de asalariados con salarios baixos nos países da Unión Europea
A comparación por países debe realizarse con cautela debido á existencia de umbrais diferentes para cada país. Non obstante, os datos de Eurostat reflicten que no ano 2018 en Galicia esta porcentaxe é do 13,10% e en España do 14,33%.
Definicións, fontes e máis información
Definicións
Descarga de datos
- Porcentaxe de asalariados con salarios baixos segundo o sexo. Galicia
- Porcentaxe de asalariados con salarios baixos segundo o grupo de idade. Galicia
- Porcentaxe de asalariados con salarios baixos segundo o nivel de estudos. Galicia
- Porcentaxe de asalariados con salarios baixos nos países da UE27 segundo o sexo
Fontes de información
IGE. Elaboración propia a partir dos microdatos da Encuesta de Estructura Salarial elaborada polo INE