Salarios desde o punto de vista do perceptor: Fenda salarial
Resumo de resultados 21/05/2021
ÍNDICE
descarga en pdf
Fenda salarial
A fenda salarial é un indicador que representa a diferenza entre a ganancia media por hora dos homes e a ganancia media por hora das mulleres como porcentaxe da ganancia media por hora dos homes. Para o cálculo deste indicador só se consideran os asalariados de empresas de 10 ou máis asalariados incluídas nalgunha das seccións B a S (excluída a O: “Administración pública, defensa e seguridade social obrigatoria”) da CNAE 2009.
No ano 2018 a fenda salarial en Galicia foi do 8,50%. Isto significa que os homes gañan máis que as mulleres, en concreto, un 8,50% máis. A
Ao analizar a evolución temporal deste indicador obsérvase que a fenda salarial entre homes e mulleres reduciuse entre 2014 e 2018 tres puntos porcentuais; isto quere dicir que as diferencias salariais entre homes e mulleres eran máis abruptas en 2014 do que o son en 2018.
| Actividade económica | 2014 | 2018 |
|---|---|---|
| Industria, construción e servizos (excepto administración pública, defensa e seguridade social obrigatoria) | 11,5 | 8,5 |
A fenda salarial en Galicia sitúase en 2018 por debaixo da UE28, que acada o valor do 15% e da de España, cuxa fenda se sitúa en 11,90% en 2014.
Fenda salarial segundo o tipo de xornada
Ao ter en conta o tipo de xornada, as diferenzas na fenda salarial diminúen.
No ano 2018, os homes que traballaban a tempo parcial en Galicia gañaban un 18,20% máis (con respecto ao seu salario), que as mulleres que traballaban co mesmo tipo de xornada. Os salarios a tempo completo son máis homoxéneos e a fenda salarial neste tipo de xornada non supera o 6%.
| Espazo | Total | Tempo completo | Tempo parcial |
|---|---|---|---|
| Galicia | 8,5 | 5,7 | 18,2 |
Definicións, fontes e máis información
Definicións
Descarga de datos
- Fenda salarial. Galicia
- Fenda salarial segundo o tipo de xornada. Galicia
- Fenda salarial nos países da UE27
Fontes de información
IGE. Elaboración propia a partir dos microdatos da Encuesta de Estructura Salarial elaborada polo INE