Salarios desde o punto de vista do perceptor:
Salario bruto anual segundo a ocupación (CNO 11)
Resumo de resultados 21/05/2021
ÍNDICE
descarga en pdf
Salario bruto anual segundo a ocupación
A ocupación é unha das variables que máis inflúen no nivel salarial. Os salarios dos tres primeiros grupos (“Directores e xerentes”, “Técnicos e profesionais científicos e intelectuais” e “Técnicos e profesionais de apoio”) son superiores á media, tanto en Galicia como en España. En Galicia, no ano 2018, no grupo dos “Directores e xerentes” é onde se acada o salario bruto anual máis alto (61.505,67 euros) e supera nun 176,50% ao salario medio; en España o salario deste grupo acada no ano 2018 a cifra de 54.341,32 euros e supera nun 126,34% ao salario medio.
Ademais, existen grandes diferenzas entre o primeiro grupo, o de “Directores e xerentes”, e os restantes. En Galicia, os salarios deste primeiro grupo son un 89,67% superiores aos do grupo de “Técnicos e profesionais científicos e intelectuais” e en España un 57,48%.
| Ocupación | España | Galicia |
|---|---|---|
| Total | 24.009,12 | 22.244,59 |
| Directores e xerentes | 54.341,32 | 61.505,67 |
| Técnicos e profesionais científicos e intelectuais | 34.505,80 | 32.428,28 |
| Técnicos, profesionais de apoio | 29.261,35 | 28.747,98 |
| Empregados contables, administrativos e outros empregados de oficina | 21.730,58 | 20.439,98 |
| Traballadores dos servizos de restauración, personais, protección e comercio | 17.047,80 | 14.938,80 |
| Artesans e traballadores cualificados das industrias manufactureiras e a construción (excepto operadores de instalacions e maquinaria) | 22.617,64 | 20.889,20 |
| Operadores de instalacions e maquinaria, e montadores | 23.184,12 | 21.246,59 |
| Ocupacións elementais | 15.163,76 | 14.816,48 |
As ocupacións menos remuneradas son as “Ocupacións elementais” e os “Traballadores dos servizos de restauración, personais, protección e comercio”, nas que o salario bruto non acada en Galicia no ano 2018 os 15.000 euros anuais.
Ao comparar o salario bruto anual de Galicia con España nos distintos grupos de ocupación, pódese observar que as ocupacións onde menor diferenza existe son os “Técnicos, profesionais de apoio”, “Ocupacións elementais” es os “Empregados contables, administrativos e outros empregados de oficina” . Nas restantes ocupacións, só no grupo de “Directores e xerentes” o salario bruto anual en España no ano 2018 no supera ao rexistrado en Galicia.
Ganancia por hora segundo a ocupación
A comparación dos salarios segundo a ocupación en termos de ganancia por hora reflicte basicamente os mesmos resultados que ao considerar o salario bruto anual.
| Ocupación | España | Galicia |
|---|---|---|
| Total | 11,95 | 10,97 |
| Directores e xerentes | 23,78 | 26,06 |
| Técnicos e profesionais científicos e intelectuais | 17,43 | 16,27 |
| Técnicos, profesionais de apoio | 13,80 | 13,06 |
| Empregados contables, administrativos e outros empregados de oficina | 10,70 | 9,83 |
| Traballadores dos servizos de restauración, personais, protección e comercio | 9,10 | 8,06 |
| Artesans e traballadores cualificados das industrias manufactureiras e a construción (excepto operadores de instalacions e maquinaria) | 10,34 | 9,54 |
| Operadores de instalacions e maquinaria, e montadores | 10,84 | 10,40 |
| Ocupacións elementais | 8,40 | 7,89 |
Definicións, fontes e máis información
Definicións
Descarga de datos
- Salario bruto anual por sexo e ocupación. Galicia e España
- Ganancia por hora segundo sexo e ocupación. Galicia e España
Fontes de información
IGE. Elaboración propia a partir dos microdatos da Encuesta de Estructura Salarial elaborada polo INE