Estudo Salarios. A remuneración do factor traballo na economía galega
Resumo de resultados 07/06/2024
ÍNDICE
- Introdución
- Peso da remuneración dos asalariados no PIB
- Evolución da remuneración de asalariados
- Remuneración de asalariados por hora efectiva asalariada
- Remuneración de asalariados por grandes sectores de actividade. Ano 2023
- Cambios na distribución da remuneración de asalariados por sectores
- Remuneración de asalariados por hora efectiva asalariada por sectores de actividade
- Evolución do custo laboral unitario real
- Definicións, fontes e máis información
descarga en pdf
Estudo de salarios / A remuneración do factor traballo na economía galega
Introdución
Os datos do Sistema de Contas Económicas de Galicia ofrecen unha perspectiva macroeconómica da remuneración do factor traballo na comunidade autónoma. A metodoloxía seguida na elaboración das Contas Económicas en Galicia permite realizar comparacións con outros espazos económicos. Neste apartado analizarase como evoluciona a remuneración dos asalariados en Galicia, en que sectores está máis concentrada e en cales a remuneración por hora é maior, e veremos como mudou a economía galega nos últimos anos.
Peso da remuneración dos asalariados no PIB
A remuneración de asalariados é unha compoñente do Produto Interior Bruto cando se analiza pola vía das rendas. Indica que parte do valor engadido bruto xerado por unha economía vai destinada a remunerar o factor traballo. Este concepto inclúe a remuneración total, en efectivo ou en especie, a pagar por un empregador a un asalariado a cambio do traballo realizado por este durante o exercicio contable. É un concepto interior, isto é, considera as rendas do traballo pagadas por unidades residentes, independentemente da residencia do asalariado.
| 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Galicia | 45,8 | 45,2 | 45,2 | 45,1 | 44,3 | 44,2 | 44,5 | 45,4 | 46,4 | 48,0 | 47,1 | 47,5 | 46,2 | 45,9 | 44,9 | 44,7 | 44,1 | 43,8 | 44,0 | 45,3 | 47,5 | 45,5 | 43,3 | 42,8 |
| España | 48,8 | 48,1 | 47,8 | 47,3 | 47,2 | 46,9 | 47,0 | 47,3 | 49,0 | 49,6 | 49,1 | 48,3 | 46,7 | 45,8 | 45,9 | 45,7 | 45,2 | 45,0 | 45,4 | 46,6 | 50,1 | 49,0 | 47,8 | 47,9 |
| UE27 | 47,5 | 47,3 | 47,3 | 47,3 | 46,6 | 46,4 | 45,9 | 45,5 | 46,4 | 47,9 | 47,3 | 47,0 | 47,3 | 47,3 | 47,2 | 46,8 | 47,0 | 47,0 | 47,3 | 47,5 | 48,7 | 47,5 | 46,8 | 47,0 |
No ano 2023 o peso dos salarios representa o 42,8% do PIB galego (0,5
puntos porcentuais menos que en 2022). Este indicador acadou o seu
máximo en Galicia no ano 2009 (situándose no 48% do PIB).
En
España o peso no PIB no ano 2023 tamén é menor ao de 2009 e tamén na
media dos países da UE27. A diferenza do que acontece en Galicia, tanto
na economía española como na europea a remuneración do factor traballo
gañou peso no último ano. Porén, a participación das rendas salariais no
PIB é inferior en Galicia que nos outros espazos económicos.
Evolución da remuneración de asalariados
| 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Galicia | 6,5 | 6,5 | 6,6 | 5,4 | 7,0 | 9,2 | 9,7 | 4,8 | -0,3 | -1,9 | -1,5 | -6,5 | -1,1 | -0,9 | 2,6 | 2,3 | 2,8 | 5,0 | 5,7 | -3,7 | 6,2 | 3,6 | 5,9 |
| España | 6,5 | 6,5 | 5,9 | 6,7 | 7,3 | 8,4 | 7,8 | 7,0 | -2,6 | -0,6 | -2,6 | -6,2 | -2,9 | 1,3 | 4,1 | 2,2 | 4,0 | 4,3 | 6,2 | -3,4 | 6,9 | 7,3 | 8,8 |
| UE27 | 4,4 | 3,6 | 2,5 | 3,1 | 3,8 | 4,7 | 5,4 | 5,2 | -1,4 | 2,3 | 2,5 | 1,3 | 1,1 | 2,1 | 2,7 | 3,2 | 4,2 | 4,3 | 3,9 | -1,5 | 6,1 | 7,2 | 7,0 |
En termos correntes a evolución da remuneración de asalariados en
Galicia volve a ser positiva no ano 2023. Pero o crecemento da
remuneración de asalariados en Galicia en 2023 é mais moderado nos
outros espazos económicos.
Na UE27 este agregado só cae nos anos
2009 e 2020, e no período 2010-2011 medrou a taxas superiores ao 2 %. En
2012 e 2013 o crecemento deste indicador foi máis moderado, pero
recupérase a partir de 2014. En 2017 e 2018 crece por riba do 4 %, pero
esta evolución volve a moderarse en 2019 e toma valores negativos en
2020.
Remuneración de asalariados por hora efectiva asalariada
| 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Galicia | 10,8 | 11,2 | 11,5 | 12,1 | 12,3 | 12,8 | 13,4 | 14,1 | 15,0 | 15,7 | 16,1 | 16,2 | 16,1 | 16,3 | 16,2 | 16,5 | 16,7 | 16,8 | 17,5 | 18,2 | 19,8 | 19,8 | 19,9 | 20,7 |
| España | 13,4 | 13,7 | 14,1 | 14,5 | 15,0 | 15,5 | 16,2 | 17,0 | 18,1 | 18,8 | 19,1 | 19,1 | 19,1 | 19,3 | 19,3 | 19,4 | 19,4 | 19,6 | 19,9 | 20,8 | 22,3 | 22,4 | 23,1 | 24,6 |
| UE27 | 15,1 | 15,7 | 16,3 | 16,7 | 17,0 | 17,5 | 17,9 | 18,4 | 19,1 | 19,5 | 20,1 | 20,5 | 21,1 | 21,5 | 21,7 | 21,9 | 22,1 | 22,7 | 23,3 | 23,9 | 25,2 | 25,3 | 26,4 | 27,9 |
A remuneración por hora asalariada en Galicia alcanzou en 2023 os
20,7 euros. Esta cifra supón o 74% da remuneración por hora na
UE27.
Este diferencial Galicia-UE27 reduciuse desde o ano 2000 (a
remuneración hora galega representaba o 72 % da europea) ao ano 2009, no
que a remuneración por hora asalariada alcanzou o 80 %. Dende ese
período o diferencial volve medrar.
Pese a que nos últimos anos
se incrementou o diferencial, o balance nos últimos 23 anos é positivo
xa que a remuneración por hora asalariada medrou a maior ritmo en
Galicia que en España e Europa.
Remuneración de asalariados por grandes sectores de actividade. Ano 2023
A información do sistema de contas permite coñecer en que sectores (ou ramas de actividade) está concentrada a remuneración de asalariados. Loxicamente dependerá do volume de traballo asalariado, e da remuneración media en cada sector.
Como na meirande parte das economías occidentais a remuneración dos asalariados concéntrase no sector servizos. Porén, en Galicia, o peso do sector servizos é inferior ao dato español ou da UE27. A achega do sector primario á remuneración dos asalariados é do 2,2% en Galicia no ano 2023, porcentaxe superior á remuneración deste sector en España ou Europa.
Cambios na distribución da remuneración de asalariados por sectores
Analizando a evolución do peso da remuneración de asalariados por
sectores ao longo dos últimos 23 anos obsérvase como o peso da industria
vaise reducindo en todo o período, a construción sofre unha caída desde
o ano 2007 e o sector servizos non deixa de medrar.
Estes
fenómenos son comúns nos tres espazos considerados se ben a magnitude
dos cambios é diferente.
Remuneración de asalariados por hora efectiva asalariada por sectores de actividade
Galicia ten unha remuneración de asalariados por hora inferior á media europea en todos os sectores.
As diferenzas son menores no caso do sector da construción, primario, ou da Administración pública, sanidade e educación e relativamente importantes en sectores como o das actividades inmobiliarias, no sector das actividades financeiras e de seguros, da información e das comunicacións ou no das actividades profesionais, científicas e técnicas; actividades administrativas e servizos auxiliares.
As actividades financeiras e de seguros, da Administración pública, sanidade e educación e de información e comunicacións son as que presentan unha maior remuneración por hora en Galicia. En España e na UE27 tamén son estos sectores de actividade os mellor remunerados.
Evolución do custo laboral unitario real
Este indicador compara a evolución da remuneración por asalariado coa evolución da produtividade do traballo e dos prezos. De modo que toma un valor positivo se o crecemento da remuneración por asalariado supera o crecemento da produtividade e dos prezos.
| 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Galicia | -3,2 | -1,6 | -1,0 | -2,8 | -1,6 | -0,2 | 0,7 | 2,2 | 2,6 | -0,6 | 0,0 | -2,4 | -0,4 | -3,0 | -0,9 | -1,5 | -0,7 | 0,0 | 3,1 | 4,1 | -3,9 | -5,6 | -1,5 |
| España | -1,9 | -0,9 | -1,6 | -0,6 | -1,0 | -0,5 | 0,2 | 3,6 | 1,1 | -1,1 | -1,7 | -2,4 | -1,3 | 0,0 | -0,5 | -1,2 | -0,9 | 0,4 | 2,4 | 8,0 | -2,2 | -3,0 | 0,2 |
| UE27 | -0,5 | -0,9 | 0,0 | -1,8 | -0,6 | -1,3 | -1,1 | 1,7 | 3,2 | -1,3 | -0,8 | 0,7 | 0,0 | -0,4 | -1,4 | 0,0 | -0,3 | 0,4 | 0,1 | 2,7 | -2,5 | -1,6 | 0,4 |
En Galicia esta serie só toma valores positivos en 2007, 2008, 2009, 2018, 2019 e 2020.
O último gráfico recolle a evolución das compoñentes do custo laboral unitario real en Galicia (remuneración por asalariado, produtividade do traballo e prezos). E mostra como no ano 2023 a evolución da remuneración media en Galicia (3,4%) é inferior ao conxunto da evolución da produtividade (-0,3 %) e dos prezos (5,3 %) o que provoca que o indicador de evolución do custo laboral unitario real tome un valor negativo (-1,5%).
Definicións, fontes e máis información
Definicións
Descarga de datos
Contas económicas trimestrais. Revisión Estatística 2019. Oferta, demanda e rendas
Contas económicas trimestrais. Revisión Estatística 2019. Emprego
Contas de produción e explotación por ramas de actividade. Revisión Estatística 2019
Fontes de información
IGE. Contas económicas de Galicia. Revisión Estatística 2019 (os
datos de 2021 son provisionais, e os datos de 2022 e 2023 son
avance).
Eurostat. National accounts (ESA 2010)