Afiliacións á Seguridade Social por sectores de actividade económica
Resumo de resultados 19/02/2024
ÍNDICE
descarga en pdf
ZDP: Zona densamente poboada; ZIP: Zona intermedia; ZPP: Zona pouco poboada
Información para Galicia e provincias segundo o grao de urbanización
Porcentaxe de afiliacións á Seguridade Social por sectores de actividade económica e grao de urbanización. Galicia
A distribución das afiliacións á Seguridade Social por sectores de actividade amosa unha forte presenza do sector servizos nas tres zonas de Galicia establecidas polo grao de urbanización. Ademais, a porcentaxe de afiliacións á Seguridade Social no sector servizos aumenta co grao de urbanización e o valor máis alto acádase na ZDP, cun 82,7% das afiliacións totais neste sector.
Pola contra, a porcentaxe de afiliacións na agricultura e na pesca
presenta una relación inversa co grao de urbanización e así, o seu valor
máis alto rexístrase na ZPP, cun 11,4% das afiliacións totais neste
sector.
A porcentaxe de afiliacións na construción acada tamén os seus valores
máis elevados na ZPP. Polo que respecta ao sector da industria, ocupa
nas tres zonas un segundo lugar no peso das afiliacións, e no caso da
ZPP cun peso similar ao da agricultura e pesca.
| Sector | Total | ZDP | ZIP | ZPP |
|---|---|---|---|---|
| Agricultura e pesca | 5,0 | 1,0 | 4,6 | 11,4 |
| Construción | 7,4 | 5,2 | 8,1 | 9,7 |
| Industria | 13,7 | 10,8 | 15,6 | 15,2 |
| Servizos | 73,4 | 82,7 | 71,1 | 62,9 |
Información para Galicia segundo o subgrao de urbanización
Porcentaxe de afiliacións á Seguridade Social por sectores de actividade económica e subgrao de urbanización. Galicia
A consideración de subzonas segundo o subgrao de urbanización permite
afondar algo máis na diferenciación da xeografía galega por
sectores.
A ZDP e a ZIP alta destacan pola forte presenza de afiliacións no sector
servizos (82,7% e 72,0% respectivamente en 2023).
No que respecta á porcentaxe de afiliacións na industria, esta variable
non presenta unha relación directa ou inversa co subgrao de
urbanización; é na ZPP alta e na ZIP baixa onde este sector acada un
maior peso.
Dentro da zona pouco poboada, a ZPP baixa é na que maior predominio se
observa da agricultura e da pesca (15,0%) e a porcentaxe de afiliacións
nos servizos (60,5%) é sensiblemente menor á rexistrada na ZPP
intermedia (63,1%) e, sobre todo, na ZPP alta (67,0%)
| Agricultura e pesca | Construción | Industria | Servizos | |
|---|---|---|---|---|
| Total | 5,0 | 7,4 | 13,7 | 73,4 |
| ZDP | 1,0 | 5,2 | 10,8 | 82,7 |
| ZIP alta | 4,1 | 7,9 | 15,5 | 72,0 |
| ZIP baixa | 6,4 | 8,8 | 16,2 | 67,9 |
| ZPP alta | 5,5 | 9,8 | 17,1 | 67,0 |
| ZPP intermedia | 11,2 | 10,3 | 14,5 | 63,1 |
| ZPP baixa | 15,0 | 9,5 | 14,3 | 60,5 |
Definicións, fontes e máis información
Definicións
- Porcentaxe de afiliacións por sector de actividade:
-
É a porcentaxe que supoñen as afiliacións á Seguridade Social de cada
sector de actividade económica sobre o total de afiliacións. Os datos
refírense ao 31 de decembro de cada ano.
- Persoas afiliadas á Seguridade Social:
- A afiliación ao Sistema da Seguridade Social é obrigatoria para todas as persoas incluídas no campo de aplicación da Seguridade Social e única para toda a vida do traballador ou da traballadora e para todo o sistema, sen prexuízo das baixas, altas e demais variacións que con posterioridade á afiliación poidan producirse. É dicir, o traballador ou a traballadora afíliase cando comeza a súa vida laboral e se dá de alta nalgún dos rexímenes do Sistema da Seguridade Social. Esta situación denomínase alta inicial. Se cesa na súa actividade será dado ou dada de baixa pero seguirá afiliado ou afiliada en situación de baixa laboral. Se retoma a actividade producirase unha alta denominada alta sucesiva a efectos estatísticos, pero non terá que afiliarse novamente, dado que, como xa se indicou, a afiliación é única para toda a vida do traballador.
- Na Mostra continua de vidas laborais contabilízanse o número de traballadores e traballadoras que estiveron afiliados e afiliadas en alta laboral nalgún momento do ano de referencia.
- Para as táboas de afiliacións á Seguridade Social facilitadas polo Ministerio de Inclusión, Seguridad Social y Migraciones contabilízanse o número de afiliacións. Hai que ter en conta que o número de afiliacións non se corresponde necesariamente co de traballadores e traballadoras, senón co de situacións que xeran obriga de cotizar. É dicir, a mesma persoa contabilízase tantas veces como situacións de cotización teña, xa sexa porque ten varias actividades laborais nun mesmo réxime ou en varios.
- CNAE-09 (Clasificación Nacional de Actividades Económicas):
- É a Clasificación Nacional de Actividades Económicas resultante do proceso internacional de revisión denominado Operación 2007. Foi elaborada segundo as condicións recollidas no Regulamento de aprobación da NACE Rev.2. O obxectivo desta clasificación é establecer un conxunto xerarquizado de actividades económicas que poida ser empregado para:
- Favorecer a implementación de estatísticas nacionais que poidan ser diferenciadas de acordo coas actividades establecidas
- Clasificar as unidades estatísticas e entidades segundo a actividade económica exercida
Acceso á Clasificación Nacional de Actividades Económicas (CNAE 2009)
Descarga de datos
- Porcentaxe e número de afiliacións á Seguridade Social por sectores de actividade económica e grao de urbanización (Información para Galicia e provincias desde o ano 2009)
- Porcentaxe e número de afiliacións á Seguridade Social por sectores de actividade económica e subgrao de urbanización (Información para Galicia e provincias desde o ano 2009)
Fontes de información
IGE. Elaboración propia a partir dos ficheiros de afiliacións e contas de cotización facilitados pola Seguridade Social