Índice sintético de fecundidade
Resumo de resultados 05/03/2024
ÍNDICE
descarga en pdf
ZDP: Zona densamente poboada; ZIP: Zona intermedia; ZPP: Zona pouco poboada
Información para Galicia e provincias segundo o grao de urbanización
Índice sintético de fecundidade segundo o grao de urbanización. Información para Galicia e provincias. Ano 2022
| Total | ZDP | ZIP | ZPP | |
|---|---|---|---|---|
| Galicia | 1,00 | 0,98 | 1,02 | 1,01 |
| • A Coruña | 1,02 | 0,98 | 1,04 | 1,04 |
| • Lugo | 1,06 | 1,11 | 1,07 | 1,00 |
| • Ourense | 0,91 | 0,93 | 0,99 | 0,86 |
| • Pontevedra | 1,00 | 0,97 | 1,00 | 1,08 |
Información para Galicia segundo o subgrao de urbanización
Índice sintético de fecundidade segundo o subgrao de urbanización. Galicia
O número medio de fillos e fillas por muller é similar en Galicia en todas as zonas de urbanización. Ningunha das tres zonas de urbanización ten asegurado o reemprazo xeracional, que se sitúa en 2,1 fillos/fillas por muller.
Por provincias, o número medio de fillos e fillas por muller acada o seu valor máis alto en Lugo e o máis baixo en Ourense.
No período 2002-2022 o número medio de fillos/fillas por muller en
Galicia pasou de 0,95 a 1,00. Por subzonas o comportamento é similar, se
ben hai que resaltar que ningunha delas consegue superar no ano 2022 o
valor de 1,2 fillos/fillas por muller.
Por último, cómpre sinalar que nas subzonas máis rurais, ZPP intermedia
e baixa, o indicador non logra acadar a cifra de 1 fillo ou filla por
muller e sitúase no ano 2022 en 0,94 para a ZPP intermedia e 0,96 para a
ZPP baixa. No outro extremo atópase a ZPP alta, que cun valor do
indicador igual a 1,14 fillos ou fillas por muller, é a que mellor se
comporta.
| 2002 | 2022 | |
|---|---|---|
| Total | 0,95 | 1,00 |
| ZDP | 0,97 | 0,98 |
| ZIP alta | 1,06 | 1,02 |
| ZIP baixa | 0,94 | 1,01 |
| ZPP alta | 0,94 | 1,14 |
| ZPP intermedia | 0,84 | 0,94 |
| ZPP baixa | 0,71 | 0,96 |
Definicións, fontes e máis información
Definicións
- Índice sintético de fecundidade (número medio de fillos por muller):
- Representa o número esperado de fillos por muller ao longo da súa vida fértil (de 15 a 49 anos). Obtense como a suma das taxas específicas de fecundidade por idade.
- Taxas específicas de fecundidade:
- Cociente entre o número de nacementos dunha determinada cohorte de nais e o total de mulleres nese grupo de idade.
- Nacemento:
- No campo demográfico o concepto de nacemento identifícase co concepto biolóxico de nacido con vida.
Descarga de datos
- Índice sintético de fecundidade segundo o grao de urbanización (Información para Galicia e provincias desde o ano 2002)
- Índice sintético de fecundidade segundo o subgrao de urbanización (Información para Galicia e provincias desde o ano 2002)
Fontes de información
IGE. Elaboración propia a partir de: IGE. Cifras poboacionais de referencia, IGE-INE. Movemento Natural da Poboación