Explotación da Mostra continua de vidas laborais
Resumo de resultados 27/10/2023
descarga en pdf
Introdución
A Mostra continua de vidas laborais (MCVL) é un conxunto de microdatos anonimizados procedentes de diversos rexistros administrativos: da Seguridade Social, do Padrón municipal de habitantes e da Axencia Tributaria. A MCVL constitúe unha mostra representativa de todas as persoas que durante o ano tiveron relación coa Seguridade Social, ben porque estiveron afiliadas en situación de alta laboral, ben porque percibiron unha prestación contributiva ou subsidio por desemprego, ou ben por que percibiron algún tipo de pensión contributiva da Seguridade Social.
Para poder interpretar correctamente os datos facilitados nesta explotación estatística, hai que ter en conta as seguintes consideracións:
-
Os datos non fan referencia a unha data concreta, senón que se inclúe a
todas as persoas que tiveron relación coa Seguridade Social nalgún
momento do ano
2021. - Non se dispón de información referente aos traballadores e ás traballadoras que teñen un sistema de previsión social distinto ao da Seguridade Social, por exemplo os funcionarios e funcionarias de clases pasivas.
- Non están incluídas as persoas demandantes de emprego cando non reciben prestacións, aínda que estean rexistradas nun servizo público de emprego. Por exemplo, se un traballador ou unha traballadora cesa a súa relación laboral coa empresa e non ten dereito a percibir unha prestación por desemprego, figurará como afiliado/a en alta laboral no período de tempo que durou a relación laboral e, para o resto do ano, non constará ningunha relación coa Seguridade Social.
- O colectivo de persoas que non tiveron relación coa Seguridade Social non se corresponde coa poboación inactiva.
- Unha mesma persoa puido manter ao longo do ano diferentes tipos de relacións coa Seguridade Social.
Durante o ano 2020 e primeira metade do 2021, o mercado laboral galego viuse afectado polas consecuencias derivadas da pandemia da COVID-19 e as medidas paliativas que se puxeron en marcha para facerlle fronte. Ambas circunstancias influíron nos resultados da explotación da Mostra Continua de Vidas Laborais de ambas as dúas edicións; dende esta ligazón pode obterse máis información ao respecto.
Persoas afiliadas en alta laboral
Durante o ano 2021, 1.170.925 galegos e
galegas en idade laboral (de 16 ou máis anos) mantiveron algunha
relación de afiliación en alta laboral coa Seguridade Social, un
1,6% máis que no ano 2020.
Poboación de 16 ou máis anos que en 2021 estivo
afiliada en alta laboral segundo o tempo traballado no ano e a idade.
Galicia
Unidade: persoas
| Idade | Total | Menos de 1 mes | De 1 mes a menos de 6 meses | De 6 meses a menos de 1 ano | Todo o ano |
|---|---|---|---|---|---|
| Total | 1.170.925 | 32.300 | 127.800 | 221.400 | 789.425 |
| De 16 a 24 anos | 70.900 | 11.300 | 27.000 | 21.150 | 11.450 |
| De 25 a 34 anos | 208.700 | 6.650 | 30.625 | 62.850 | 108.575 |
| De 35 a 44 anos | 309.725 | 5.450 | 27.300 | 57.025 | 219.950 |
| De 45 a 54 anos | 331.400 | 5.025 | 23.300 | 47.975 | 255.100 |
| De 55 a 64 anos | 221.175 | 3.075 | 14.825 | 25.875 | 177.400 |
| 65 ou máis anos | 29.025 | 800 * | 4.750 | 6.525 | 16.950 |
Fonte: elaboración propia a partir da Mostra continua de vidas
laborais facilitada pola Seguridade Social (descarga
da táboa)
Nota: (*) Poucas observacións mostrais, polo
que o dato está afectado por un alto erro de mostraxe. O tempo
traballado no ano inclúe o tempo traballado por conta allea e por conta
propia.
O 2,8% destes afiliados e afiliadas traballou menos de un
mes en todo o ano 2021, o 10,9% entre un mes e
seis meses, o 18,9% traballou seis ou máis meses pero sen
chegar ao ano completo e, finalmente, o 67,4% restante
fíxoo durante todo 2021.
Estas porcentaxes varían de xeito significativo en función da idade da
persoa afiliada. Entre a poboación máis nova, a menor de 25 anos, a
porcentaxe das que traballaron o ano completo sitúase no
16,1%. Porén, ao considerar o grupo de idade de 25 a 34
anos (ambos inclusive) a porcentaxe de persoas que traballaron todo o
ano rolda o 52% e segue aumentando ata acadar o
80,2% entre os afiliados e as afiliadas de 55 a 64 anos.
Ao ter en conta o sexo da persoa traballadora, a porcentaxe de homes que
estiveron afiliados en alta laboral durante todo o ano 2021
foi do 68,6%, 2,5 puntos por riba da
porcentaxe observada entre o colectivo feminino (que se sitúa en
66,1%).
Porcentaxe de persoas afiliadas que traballaron durante todo o
ano segundo a idade. Galicia
Unidade: porcentaxe
(%)
Fonte: elaboración propia a partir da Mostra continua de vidas laborais facilitada pola Seguridade Social (descarga da táboa)
No gráfico de abaixo represéntase o número medio de anos de afiliación
en alta laboral segundo o sexo e a idade da persoa, para todos/as os/as
residentes en Galicia de 16 ou máis anos que estiveron afiliadas en alta
laboral nalgún momento de 2021. Cabe destacar que, a medida
que aumenta a idade, increméntase a diferenza entre o número medio de
anos traballados polos homes e polas mulleres, debido á tardía
incorporación da muller ao mercado laboral.
Número medio de anos de afiliación en alta laboral segundo o
sexo e a idade. Galicia. Ano 2021
Unidade:
anos
Fonte: elaboración propia a partir da Mostra continua de vidas
laborais facilitada pola Seguridade Social (descarga
da táboa)
Nota: o número medio de anos traballados
calculouse para as persoas afiliadas en alta laboral nalgún momento do
ano de referencia.
No tocante á vida laboral dos traballadores e das traballadoras, o
47,4% das persoas que nalgún momento de 2021
estiveron afiliadas en alta laboral levaba traballado menos de 15 anos,
o 30,7% entre 15 e 25 anos e o 21,9% 25 ou
máis anos.
Entre as persoas afiliadas máis próximas á idade de xubilación (os 55 ou
máis anos), a porcentaxe das que levaban afiliadas en alta laboral menos
de 15 anos é do 14,6%. O 22,1% levaba
traballando entre 15 e menos de 25 anos e, finalmente, o
63,3% restante 25 ou máis anos.
Dos 1.170.925 galegos e galegas que en 2021
mantiveron algunha relación de afiliación en alta laboral coa Seguridade
Social, 970.375 estiveron afiliadas por conta allea nalgún
momento do ano. O 79,6% destas persoas afiliadas por conta
allea traballou para unha soa empresa en 2021 (todo o ano
ou parte del). Esta porcentaxe tamén cambia en función da idade da
persoa. Así, entre os/as menores de 25 situouse no 63,7%,
mentres que 9 de cada 10 persoas de 55 ou máis anos prestou
servizos a unha única empresa en 2021.
Poboación de 16 ou máis anos que estivo afiliada en alta laboral
por conta allea segundo o número de empresas nas que traballou no ano e
a idade. Galicia
Unidade: persoas
| Idade | Total | Unha empresa | Dúas ou máis empresas | Total | Unha empresa | Dúas ou máis empresas |
|---|---|---|---|---|---|---|
| Total | 947.775 | 775.250 | 172.525 | 970.375 | 772.325 | 198.050 |
| De 16 a 24 anos | 58.475 | 39.650 | 18.825 | 68.475 | 43.650 | 24.825 |
| De 25 a 34 anos | 190.675 | 137.700 | 52.975 | 191.950 | 131.850 | 60.100 |
| De 35 a 44 anos | 271.775 | 224.125 | 47.650 | 263.525 | 212.250 | 51.275 |
| De 45 a 54 anos | 256.925 | 221.575 | 35.350 | 266.900 | 224.800 | 42.100 |
| De 55 ou máis anos | 169.925 | 152.200 | 17.725 | 179.525 | 159.775 | 19.750 |
Fonte: elaboración propia a partir da Mostra continua de vidas laborais facilitada pola Seguridade Social (descarga da táboa)
Bases de cotización
En Galicia a base de cotización media para as persoas afiliadas á
Seguridade Social no réxime xeral acadou os 1.735 euros ao
mes no ano 2021, 22 euros por
riba do valor rexistrado no ano anterior. Por outra banda,
a metade das persoas ten unha base inferior aos 1.539 euros
mensuais.
Media e mediana da base de cotización no réxime xeral.
Galicia
Unidade: euros/mes
Fonte: elaboración propia a partir da Mostra continua de vidas
laborais facilitada pola Seguridade Social (descarga
da táboa)
Nota: só se tiveron en conta as bases de
cotización das persoas traballadoras afiliadas no réxime xeral.
Excluíronse as bases de cotización das persoas afiliadas dentro dalgún
sistema especial de cotización do réxime xeral. Non se tiveron en conta
a base do primeiro mes da relación laboral nin a do último, sempre e
cando non se correspondesen cunha mensualidade completa.
Para os homes, a base de cotización media acadou os 1.873
euros ao mes, mentres que para o colectivo feminino situouse
269 euros por debaixo da masculina.
Por idade, a base de cotización máis alta deuse no colectivo de 55 a 64
anos (ambos inclusive), con 1.924 euros mensuais, mentres
que entre a poboación máis nova, a menor de 25 anos, a base de
cotización situouse nos 1.120 euros aos mes en
2021.
Base de cotización media no réxime xeral por sexo e grupos de
idade. Galicia. Ano 2021
Unidade:
euros/mes
| Idade | Total | Homes | Mulleres |
|---|---|---|---|
| Total | 1.735 | 1.873 | 1.604 |
| De 16 a 24 anos | 1.120 | 1.163 | 1.068 |
| De 25 a 34 anos | 1.567 | 1.627 | 1.510 |
| De 35 a 44 anos | 1.782 | 1.938 | 1.641 |
| De 45 a 54 anos | 1.866 | 2.063 | 1.683 |
| De 55 a 64 anos | 1.924 | 2.099 | 1.745 |
| 65 ou máis anos | 1.868 | 2.192 | 1.584 |
Fonte: elaboración propia a partir da Mostra continua de vidas
laborais facilitada pola Seguridade Social (descarga
da táboa)
Nota: só se tiveron en conta as bases de
cotización das persoas traballadoras afiliadas no réxime xeral.
Excluíronse as bases de cotización das persoas afiliadas dentro dalgún
sistema especial de cotización do réxime xeral. Non se tiveron en conta
a base do primeiro mes da relación laboral nin a do último, sempre e
cando non se correspondesen cunha mensualidade completa.
A Mostra Continua de Vidas Laborais permite identificar o municipio de residencia da persoa para os concellos con máis de 40.000 habitantes.
Dos sete grandes concellos galegos, Santiago de Compostela contaba coa
base de cotización máis alta en 2021, con
1.947 euros ao mes, seguido da Coruña con
1.893 euros ao mes e de Pontevedra con 1.877
euros. No outro extremo atópanse os concellos de Lugo e Ourense, onde as
bases de cotización medias para as persoas afiliadas no réxime xeral
situáronse nos 1.722 e 1.740 euros mensuais,
respectivamente, en 2021.
Base de cotización media no réxime xeral por sexo. Grandes
concellos. Ano 2021
Unidade:
euros/mes
| Espazo | Total | Homes | Mulleres |
|---|---|---|---|
| Coruña, A | 1.893 | 2.013 | 1.791 |
| Ferrol | 1.781 | 1.934 | 1.628 |
| Santiago de Compostela | 1.947 | 1.975 | 1.919 |
| Lugo | 1.722 | 1.785 | 1.669 |
| Ourense | 1.740 | 1.757 | 1.725 |
| Pontevedra | 1.877 | 2.021 | 1.760 |
| Vigo | 1.816 | 1.958 | 1.684 |
Fonte: elaboración propia a partir da Mostra continua de vidas
laborais facilitada pola Seguridade Social (descarga
da táboa)
Nota: só se tiveron en conta as bases de
cotización das persoas traballadoras afiliadas no réxime xeral.
Excluíronse as bases de cotización das persoas afiliadas dentro dalgún
sistema especial de cotización do réxime xeral. Non se tiveron en conta
a base do primeiro mes da relación laboral nin a do último, sempre e
cando non se correspondesen cunha mensualidade completa.
Salarios
O 16,7% dos galegos e das galegas que en 2021
estiveron afiliadas en alta laboral por conta allea percibiu un salario
total menor ou igual aos 6.000 euros anuais. Entre a poboación
traballadora que só estivo afiliada en alta laboral parte do ano, esta
porcentaxe sobe ata o 38,9%, mentres que para os que
estiveron afiliados o ano completo é do 3%.
Para este último colectivo, o intervalo modal (o de maior frecuencia) é
o de 20.000 a 30.000 euros, no que se atopa o 27,6% das
persoas que estiveron afiliadas en alta laboral durante todo o ano
2021, seguido polo grupo de poboación que percibiu de
15.000 a 20.000 euros ao ano, no que se atopa o 22,1%.
Distribución da poboación afiliada en alta laboral por conta
allea segundo o intervalo de salario bruto anual (euros). Galicia. Ano
2021
Unidade: porcentaxe (%)
Fonte: elaboración propia a partir da Mostra continua de vidas
laborais facilitada pola Seguridade Social (descarga
da táboa)
Nota: as porcentaxes están calculadas sobre o
total de persoas traballadoras por conta allea para as que se dispón de
información fiscal.
A media do salario bruto para as persoas afiliadas por conta allea
acadou os 19.260 euros anuais en 2021. Para o
colectivo que estivo afiliado en alta laboral por conta allea durante
todo o ano, a media sitúase nos 25.117 euros anuais; para o
resto de persoas, as que traballaron só parte do ano, o salario medio
anual sitúase nos 9.732 euros.
No que respecta ao valor mediano, a metade dos asalariados e das
asalariadas galegas percibiu uns rendementos polo traballo inferiores
aos 16.373 euros anuais.
Respecto ao ano anterior, o salario medio anual aumentou en
880 euros/ano. Obsérvanse diferenzas entre as persoas que
traballaron o ano completo ou só parte do ano: o salario medio anual de
ambos colectivos aumentou entre 2020 e 2021,
pero o incremento foi máis acusado no caso do primeiro colectivo de
traballadores e traballadoras. Este ingresou de media 1.306
euros máis en 2021 que no ano 2020. Por outra
banda, o salario medio das persoas que traballaron parte do ano aumentou
en 986 euros.
Media e mediana do salario bruto anual segundo o tempo
traballado por conta allea no ano. Galicia
Unidade:
euros/ano
| Tempo traballado | 2020 | 2021 | Diferenza |
|---|---|---|---|
| Media | |||
|
18.380 | 19.260 | 880 |
|
23.811 | 25.117 | 1.306 |
|
8.746 | 9.732 | 986 |
| Mediana | |||
|
15.431 | 16.373 | 942 |
|
19.780 | 20.841 | 1.061 |
|
6.672 | 7.812 | 1.140 |
Fonte: elaboración propia a partir da Mostra continua de vidas laborais facilitada pola Seguridade Social (descarga da táboa)
Ao centrarse nos afiliados e nas afiliadas que traballaron por conta
allea o ano completo, obsérvase como o salario increméntase notablemente
a medida que aumenta a idade da persoa, pasando de 14.810
euros para os mozos e mozas menores de 25 anos, aos 27.284
euros para a poboación de 45 a 54 anos.
Media do salario bruto anual segundo o tempo traballado por
conta allea no ano e a idade. Galicia. Ano 2021
Unidade: euros/ano
| Idade | Total | Todo o ano | Parte do ano |
|---|---|---|---|
| Total | 19.260 | 25.117 | 9.732 |
| De 16 a 24 anos | 6.394 | 14.810 | 4.962 |
| De 25 a 34 anos | 15.433 | 21.026 | 10.205 |
| De 35 a 44 anos | 19.707 | 23.966 | 11.207 |
| De 45 a 54 anos | 22.626 | 27.284 | 10.465 |
| De 55 a 64 anos | 23.065 | 27.180 | 10.550 |
| 65 ou máis anos | 19.768 | 30.220 | 11.376 |
Fonte: elaboración propia a partir da Mostra continua de vidas laborais facilitada pola Seguridade Social (descarga da táboa)
Por outra banda, obsérvanse diferenzas salariais entre o sexo masculino
e o feminino. En 2021 a media do salario bruto anual foi de
21.157 euros para os homes e 17.287 para as
mulleres (3.870 euros menos para o sexo feminino). Ao
restrinxir a análise ás persoas que estiveron afiliadas en alta laboral
por conta allea durante todo o ano, a diferenza (en termos absolutos) é
maior: 27.477 euros para os homes e 22.614
para as mulleres (4.863 euros menos).
Media e mediana do salario bruto anual segundo o tempo
traballado por conta allea no ano e o sexo. Galicia. Ano
2021
Unidade: euros/ano
| Sexo | Total | Todo o ano | Parte do ano |
|---|---|---|---|
| Media | |||
|
19.260 | 25.117 | 9.732 |
|
21.157 | 27.477 | 10.609 |
|
17.287 | 22.614 | 8.848 |
| Mediana | |||
|
16.373 | 20.841 | 7.812 |
|
18.388 | 22.245 | 8.800 |
|
14.377 | 18.767 | 6.903 |
Fonte: elaboración propia a partir da Mostra continua de vidas laborais facilitada pola Seguridade Social (descarga da táboa)
Dos sete concellos galegos con maior poboación, Santiago de Compostela
presentaba no 2021 o salario bruto máis alto, con
22.650 euros anuais de media, seguido da Coruña, con
22.346 euros ao ano. No extremo oposto atopábase o concello
de Ferrol, onde os afiliados e as afiliadas por conta allea percibiron
de media uns 18.591 euros/ano. Este é, xunto co de Lugo, os
únicos concellos, entre os 7 de maior poboación, onde o salario medio se
sitúa por debaixo da media de Galicia (19.260 euros/ano).
Media do salario bruto anual segundo o tempo traballado por
conta allea no ano 2021. Grandes concellos
Unidade: euros/ano
| Espazo | Total | Todo o ano | Parte do ano |
|---|---|---|---|
| Coruña, A | 22.346 | 29.069 | 9.398 |
| Ferrol | 18.591 | 25.435 | 9.205 |
| Santiago de Compostela | 22.650 | 29.247 | 10.347 |
| Lugo | 18.843 | 24.286 | 9.121 |
| Ourense | 19.902 | 25.723 | 9.419 |
| Pontevedra | 20.266 | 26.385 | 10.914 |
| Vigo | 20.934 | 27.427 | 9.725 |
Fonte: elaboración propia a partir da Mostra continua de vidas laborais facilitada pola Seguridade Social (descarga da táboa)
Definicións e máis información
Máis información
- Poboación de 16 ou máis anos que no ano de referencia estivo afiliada en alta laboral segundo o tempo traballado nese ano e a idade. Galicia e provincias
- Poboación de 16 ou máis anos que no ano de referencia estivo afiliada en alta laboral segundo o tempo traballado nese ano e o sexo. Galicia e provincias
- Poboación de 16 ou máis anos que no ano de referencia estivo afiliada en alta laboral segundo o tempo traballado ao longo da súa vida laboral, o sexo e a idade. Galicia
- Número medio de anos de afiliación en alta laboral segundo o sexo e a idade. Galicia
- Poboación de 16 ou máis anos que no ano de referencia estivo afiliada en alta laboral por conta allea segundo o número de empresas nas que traballou ese ano e a idade. Galicia e provincias
- Media e mediana das bases de cotización por sexo e grupos de idade. Réxime xeral. Galicia
- Media e mediana das bases de cotización por sexo. Réxime xeral. Grandes concellos
- Poboación que no ano de referencia estivo afiliada en alta laboral por conta allea segundo o intervalo de salario bruto anual, o tempo traballado e o sexo. Galicia
- Media/mediana do salario bruto anual segundo o tempo traballado por conta allea no ano, o sexo e a idade. Galicia
- Media/mediana do salario bruto anual segundo o tempo traballado por conta allea no ano. Grandes concellos