Enquisa de poboación activa. Emprego das persoas con discapacidade
Resumo de resultados 23/02/2024
descarga en pdf
Introdución
A Enquisa de poboación activa (EPA) é unha investigación por mostraxe, continua e dirixida ás vivendas familiares que o Instituto Nacional de Estadística (INE) realiza desde 1964. En xullo de 2008 firmouse un convenio de colaboración entre o INE e o Instituto Galego de Estatística (IGE) para a duplicación da mostra no ámbito territorial da Comunidade Autónoma de Galicia.
No marco desta operación desenvolveuse a Enquisa de poboación activa. Emprego das persoas con discapacidade que busca afondar no coñecemento sobre o colectivo particular das persoas con discapacidade e a súa integración no mercado laboral. Máis concretamente, investígase:
- As características demográficas, laborais e educativas das persoas con discapacidade
- A igualdade de oportunidades das persoas con discapacidade no ámbito laboral
- A discapacidade dende a perspectiva de xénero
- A tipoloxía dos fogares nos que residen persoas con discapacidade e a situación laboral dos seus membros
- A prevalencia e gravidade da discapacidade
- O nivel de protección que reciben as persoas con discapacidade: prestacións, incentivos para a incorporación ao mercado laboral e o recoñecemento da situación de dependencia
A poboación obxecto de investigación é o colectivo de persoas de 16 a 64 anos cun grao de discapacidade superior ou igual ao 33% e asimilados (Real Decreto Lexislativo 1/2013) e que residen en vivendas familiares principais.
Fogares con discapacidade
En 2022 en Galicia uns 120.800 fogares
contaban entre os seus membros con algunha persoa de 16 a 64 anos con
discapacidade; isto representa o 10,8% dos fogares galegos.
Fogares con algunha persoa de idade entre 16 e 64 anos con
discapacidade, segundo a relación coa actividade. Galicia. Ano
2022
Unidade: miles de fogares, porcentaxe
(%)
| Relación | Fogares | Porcentaxe |
|---|---|---|
| Total | 120,8 | 100,0 |
| Con algún membro activo | 79,6 | 65,9 |
|
62,6 | 51,8 |
|
8,6 | 7,1 |
|
8,3 | 6,9 |
| Con todos os membros inactivos | 41,3 | 34,2 |
Fonte: IGE. Enquisa de poboación activa. Emprego das persoas con discapacidade (descarga da táboa)
O 65,9% destes fogares contaba con algunha persoa en activo
entre os seus membros; no 34,2% restante todos os seus
membros eran persoas inactivas.
Distribución dos fogares con algunha persoa de idade entre 16 e
64 anos con discapacidade segundo a relación coa actividade. Galicia.
Ano 2022
Unidade: porcentaxe (%)
Fonte: IGE. Enquisa de poboación activa. Emprego das persoas con discapacidade (descarga da táboa)
Relación coa actividade da poboación con discapacidade
No ano 2022 había en Galicia 131.400 persoas
con discapacidade en idade de traballar (de 16 a 64 anos), o que supuxo
o 7,9% da poboación total en idade de traballar nese ano.
Destas, o 29,9% (unhas 39.300 persoas)
clasifícanse como activas e o 70,1% (unhas
92.100 persoas) como inactivas. A súa vez, dentro da
poboación con discapacidade activa no 2022, o
79,4% estaba ocupada e o 20,6% restante en
paro.
Poboación de 16 a 64 anos segundo a relación coa actividade e se
teñen ou non discapacidade. Galicia. Ano 2022
Unidade: miles de persoas
| Relación | Total | Persoas sen discapacidade | Persoas con discapacidade |
|---|---|---|---|
| Total | 1.654,3 | 1.522,9 | 131,4 |
| Poboación activa | 1.220,8 | 1.181,5 | 39,3 |
| Poboación ocupada | 1.084,9 | 1.053,7 | 31,2 |
| Poboación parada | 135,9 | 127,8 | 8,1 |
| Poboación inactiva | 433,5 | 341,4 | 92,1 |
Fonte: IGE. Enquisa de poboación activa. Emprego das persoas con discapacidade (descarga da táboa)
Ao comparar as taxas de actividade, emprego e paro da poboación con e
sen discapacidade, destaca a baixa participación do colectivo de persoas
con discapacidade no mercado laboral galego. En 2022 a súa
taxa de actividade situouse no 29,9%, 47,7
puntos por debaixo da do colectivo de persoas sen discapacidade. A taxa
de emprego foi do 23,7%, 45,5 puntos por
debaixo da correspondente ás persoa sen discapacidade. A taxa de paro,
pola contra, foi superior á deste colectivo: 20,7% para as
persoas con discapacidade fronte a 10,8% para a poboación
sen discapacidade.
Taxas de actividade, emprego e paro da poboación con e sen
discapacidade. Galicia. Ano 2022
Unidade:
%
| Taxas | Total | Persoas sen discapacidade | Persoas con discapacidade |
|---|---|---|---|
| Taxa de actividade | 73,8 | 77,6 | 29,9 |
| Taxa de emprego | 65,6 | 69,2 | 23,7 |
| Taxa de paro | 11,1 | 10,8 | 20,7 |
Fonte: IGE. Enquisa de poboación activa. Emprego das persoas con discapacidade (descarga da táboa)
A evolución da taxa de actividade da poboación con discapacidade de
Galicia en 2022 foi positiva: creceu
1,1 puntos respecto á do ano 2021. A taxa de
emprego tamén creceu: 1,1 puntos. A taxa de
paro diminuíu entre 2021 e 2022.
Evolución das taxas de actividade, emprego e paro da poboación
con discapacidade. Galicia
Unidade: %
Fonte: IGE. Enquisa de poboación activa. Emprego das persoas con discapacidade (descarga da táboa)
Discapacidade e mercado laboral segundo as características da persoa
A diferencia do que ocorre no colectivo de persoas sen discapacidade, no
que a taxa de actividade feminina é inferior á masculina, para a
poboación con discapacidade a primeira supera á segunda; é dicir, as
mulleres con discapacidade teñen máis presenza no mercado laboral galego
que os homes. Así, en 2022 a taxa de actividade feminina é
5,6 puntos superior á masculina.
En 2022 a taxa de emprego amosa o mesmo patrón que a de actividade: para
o colectivo de persoas con discapacidade a taxa feminina é superior á
masculina en 4,5 puntos, mentres que no caso da poboación
sen discapacidade a taxa de emprego feminina é inferior á masculina en
2022.
No referido á taxa de paro, en 2022 non hai diferenzas no valor da taxa de paro entre o colectivo feminino de persoas con discapacidade e o colectivo masculino: en ambos os dous casos se sitúa no 20,7%.
Taxas de actividade, emprego e paro da poboación con e sen
discapacidade, segundo o sexo. Galicia. Ano 2022
Unidade: %
| Taxas | Homes | Mulleres | Homes | Mulleres |
|---|---|---|---|---|
| Taxa de actividade | 81,3 | 74,0 | 27,5 | 33,1 |
| Taxa de emprego | 73,3 | 65,2 | 21,8 | 26,3 |
| Taxa de paro | 9,8 | 11,9 | 20,7 | 20,7 |
Fonte: IGE. Enquisa de poboación activa. Emprego das persoas con discapacidade (descarga da táboa)
A participación no mercado laboral da poboación con discapacidade vén
determinada polo grao e o tipo de discapacidade que padeza a persoa.
Así, das 39.300 persoas con discapacidade que formaban
parte da poboación activa en 2022, a meirande parte
(o 55%) tiña un grao de discapacidade de entre o 33% e o
44%.
Distribución da poboación activa con discapacidade segundo o
grao de dispacidade. Galicia. Ano 2022
Unidade: porcentaxe (%)
Fonte: IGE. Enquisa de poboación activa. Emprego das persoas con
discapacidade (descarga
da táboa)
Nota: o grupo “Non consta” está formado polos
pensionistas que teñen recoñecida unha pensión de incapacidade
permanente e que non están rexistrados na Base de Datos Estatal de
Persoas con Discapacidade (BEPD)
Ademais, obsérvase que a taxa de actividade, así como a de emprego, é
maior no caso das persoas con discapacidade
física e outras: o 36,2% da poboación con
discapacidade física e outras de Galicia forma parte da
poboación activa. A continuación sitúase a taxa de actividade da
poboación con discapacidade sensorial (36,1%).
Taxas de actividade e emprego da poboación con discapacidade
segundo o tipo de discapacidade. Galicia. Ano 2022
Unidade: %
| Tipo | Taxa de actividade | Taxa de emprego |
|---|---|---|
| Total | 29,9 | 23,7 |
| Física e outras | 36,2 | 29,5 |
| Intelectual | 30,4 | 24,1 |
| Mental | 25,9 | 15,3 |
| Sensorial | 36,1 | 29,5 |
| Non consta | 16,5 | 13,3 |
Fonte: IGE. Enquisa de poboación activa. Emprego das persoas con discapacidade (descarga da táboa)
Discapacidade e mercado laboral segundo as características laborais
O 78,5% da poboación ocupada con discapacidade traballaba a
xornada completa en 2022; esta porcentaxe é
7,7 puntos inferior á proporción
correspondente ao colectivo de poboación ocupada sen discapacidade.
Distribución da poboación ocupada con e sen discapacidade
segundo a xornada laboral. Galicia. Ano 2022
Unidade: porcentaxe (%)
Fonte: IGE. Enquisa de poboación activa. Emprego das persoas con discapacidade (descarga da táboa)
A meirande parte dos traballadores e das traballadoras con discapacidade
de Galicia son asalariadas; de feito, en 2022 o
83,3% da poboación ocupada con discapacidade traballou como
asalariada. Destas, o 76,9% tiña contrato indefinido,
3,9 puntos menos que a poboación asalariada
sen discapacidade.
Distribución da poboación asalariada con e sen discapacidade
segundo o contrato laboral. Galicia. Ano 2022
Unidade: porcentaxe (%)
Fonte: IGE. Enquisa de poboación activa. Emprego das persoas con discapacidade (descarga da táboa)
Para fomentar a inserción no mercado laboral do colectivo de persoas con discapacidade, o Sistema da Seguridade Social contempla reducións e bonificacións nas cotas de cotización, así como unha modalidade de contratación específica para traballadores e traballadoras con discapacidade (que, ademais de conlevar bonificacións nas cotas de cotización, contempla determinadas subvencións).
En 2022 unhas 12.400 persoas ocupadas con
discapacidade tivo algún tipo de redución ou bonificación nas
cotizacións á Seguridade Social; isto supón o 57,1% do
colectivo de ocupados e ocupadas con discapacidade que cotizou á
Seguridade Social en 2022. Esta porcentaxe é
inferior á porcentaxe rexistrada no ano anterior.
Ademais, uns 14.900 asalariados e asalariadas deste
colectivo estiveron contratadas en 2022 baixo a modalidade
específica de contrato para persoas con discapacidade.
Poboación ocupada con discapacidade que cotiza á Seguridade
Social segundo se tiveron reducións/bonificacións por discapacidade.
Galicia. Ano 2022
Unidade: miles de
persoas, porcentaxe (%)
| Colectivo | Valores | Distribución | Valores | Distribución |
|---|---|---|---|---|
| Total de persoas ocupadas con discapacidade que cotizan á Seguridade Social | 21,4 | 100,0 | 21,7 | 100,0 |
| Sen bonificacións ou reducións nas cotas | 8,3 | 38,8 | 9,3 | 42,9 |
| Con bonificacións ou reducións nas cotas | 13,2 | 61,7 | 12,4 | 57,1 |
Fonte: IGE. Enquisa de poboación activa. Emprego das persoas con discapacidade (descarga da táboa)
Protección da discapacidade
O 71,4% da poboación de 16 a 64 anos con discapacidade de
Galicia recibiu en 2022 unha prestación pública; na
meirande parte dos casos, tratouse de prestacións derivadas de
incapacidade: unhas 77.200 persoas con discapacidade
beneficiáronse deste tipo de prestacións (o 58,8% do
colectivo).
A porcentaxe de poboación con discapacidade beneficiaria de prestacións
públicas aumentou entre 2021 e
2022.
No ano 2022 o 10,8% das persoas con
discapacidade de Galicia (unhas 14.200 persoas) tiñan
recoñecida oficialmente a situación de dependencia.
Persoas con discapacidade segundo reciban ou non prestacións.
Galicia
Unidade: miles de persoas, porcentaxe (%)
| Prestación | Valores | Distribución | Valores | Distribución |
|---|---|---|---|---|
| Total | 130,9 | 100,0 | 131,4 | 100,0 |
| Sen prestación | 38,9 | 29,7 | 37,5 | 28,5 |
| Con prestación derivada de incapacidade | 76,1 | 58,1 | 77,2 | 58,8 |
| Con prestación non derivada de incapacidade | 15,9 | 12,1 | 16,6 | 12,6 |
Fonte: IGE. Enquisa de poboación activa. Emprego das persoas con discapacidade (descarga da táboa)
Definicións e máis información
Máis información
- Fogares segundo a presenza de discapacidade e a relación coa actividade. Galicia
- Persoas con e sen discapacidade segundo a relación coa actividade económica e o sexo. Galicia
- Taxas de actividade, emprego e paro das persoas con e sen discapacidade segundo o sexo. Galicia
- Persoas con dependencia segundo a relación coa actividade económica e o grao de discapacidade. Galicia
- Taxas de actividade e emprego das persoas con discapacidade segundo o tipo de discapacidade. Galicia
- Poboación ocupada con e sen discapacidade segundo a situación profesional. Galicia
- Poboación ocupada con e sen discapacidade segundo o tipo de xornada. Galicia
- Poboación asalariada con e sen discapacidade segundo o tipo de contrato e o sexo. Galicia
- Poboación ocupada con discapacidade que cotiza á Seguridade Social segundo reducións/bonificacións por discapacidade e sexo. Galicia
- Poboación asalariada con discapacidade que cotiza á Seguridade Social segundo teña contrato específico de discapacidade, segundo o sexo. Galicia
- Persoas con e sen prestacións derivadas de incapacidade segundo o sexo. Galicia
- Persoas en situación de dependencia recoñecida segundo o sexo. Galicia