Contas económicas trimestrais de Galicia. Revisión Estatística 2024
Periodo de referencia: primeiro trimestre de 2025
Resumo de resultados 30/05/2025
descarga en pdf
Principais resultados
O PIB rexistrou unha variación interanual do 2,8%, unha décima inferior á rexistrada no trimestre anterior.
A variación intertrimestral do PIB foi do 0,9%. Esta taxa foi unha décima superior á do cuarto trimestre de 2024.
Os postos de traballo equivalentes a tempo completo aumentaron un 0,9% en taxa interanual este trimestre. As horas traballadas creceron un 0,1%.
1 Produto Interior Bruto en volume
O Produto Interior Bruto (PIB) xerado pola economía galega, medido en termos de volume encadeado e con datos corrixidos de efectos estacionais e de calendario, rexistra unha variación interanual do 2,8% no primeiro trimestre do 2025, unha décima inferior á rexistrada no trimestre anterior.
A variación intertrimestral do PIB sitúase no 0,9% (0,8% no trimestre anterior).
| Dato | 2024/I | 2024/II | 2024/III | 2024/IV | 2025/I |
|---|---|---|---|---|---|
| Taxa de variación trimestre anterior | 1,1 | 0,1 | 0,8 | 0,8 | 0,9 |
| Taxa de variación interanual | 2,6 | 2,6 | 2,9 | 2,9 | 2,8 |
| Fonte: IGE. Contas económicas trimestrais (descarga da táboa) |
PIB. Taxas de variación interanual
Unidade: porcentaxe
PIB. Taxas de variación intertrimestral
Unidade: porcentaxe
Fonte: IGE. Contas económicas trimestrais (descarga da táboa)
A demanda interna contribuíu con 1,2 puntos porcentuais ao crecemento interanual do PIB galego. A aportación da demanda externa foi de 1,6 puntos porcentuais.
Evolución do PIB en volume e achegas da demanda interna e da demanda externa
Unidade: taxas de variación en porcentaxe e achegas en puntos porcentuais
Fonte: IGE. Contas económicas trimestrais (descarga da táboa)
No primeiro trimestre do 2025, o gasto en consumo final dos fogares aumenta un 0,4%, mentres que no trimestre anterior diminuíra un 0,2%. O gasto das Administracións públicas medra un 1,8%, presentando unha taxa do 6,1% no trimestre anterior.
Por outra banda, a formación bruta de capital experimenta unha variación semellante á do trimestre anterior, acadando un avance do 3,7%.
As exportacións de bens e servizos presentan unha taxa interanual do 2,2%, mentres que as importacións diminúen un 0,7%.
| Compoñentes | 2024/I | 2024/II | 2024/III | 2024/IV | 2025/I |
|---|---|---|---|---|---|
| Gasto en consumo final | 1,9 | 0,4 | 1,3 | 1,5 | 0,8 |
| Gasto dos fogares e ISFLSF | 0,2 | -1,1 | -0,2 | -0,2 | 0,4 |
| Gastos das AA.PP. | 6,6 | 4,6 | 5,3 | 6,1 | 1,8 |
| Formación bruta de capital | -0,5 | 0,7 | 2,2 | 3,7 | 3,7 |
| Demanda interna (en termos nacionais) (*) | 1,4 | 0,5 | 1,4 | 1,8 | 1,2 |
| Exportación de bens e servizos | 1,8 | 5,4 | 4,1 | 2,9 | 2,2 |
| Importación de bens e servizos | -0,2 | 1,6 | 1,3 | 0,9 | -0,7 |
| Fonte: IGE. Contas económicas trimestrais (descarga da táboa) |
Nota: (*) Achega ao crecemento do PIB
No que respecta á oferta, o Valor Engadido Bruto (VEB) de todos os grandes sectores de actividade rexistra taxas interanuais positivas no primeiro trimestre de 2025.
O VEB das ramas primarias rexistra unha taxa de variación interanual do 3,2% (3,4% no trimestre anterior). Pola súa parte, o VEB da industria medra un 2,3%, sendo a taxa no trimestre precedente do 0%. O VEB do sector da construción moderouse 1,1 puntos con respecto ao trimestre precedente ao presentar unha taxa do 4,9%. O sector servizos rexistra unha taxa do 3% (3,6% no trimestre anterior).
| Compoñentes | 2024/I | 2024/II | 2024/III | 2024/IV | 2025/I |
|---|---|---|---|---|---|
| VEB. Agricultura, gandaría, silvicultura e pesca | -4,1 | -0,9 | -2,1 | 3,4 | 3,2 |
| VEB. Industria | 3,5 | 2,6 | 4,0 | 0,0 | 2,3 |
| VEB. Construción | 1,7 | 4,2 | 4,5 | 6,0 | 4,9 |
| VEB. Servizos | 3,3 | 3,3 | 3,1 | 3,6 | 3,0 |
| Impostos netos sobre os produtos | -0,9 | -1,7 | 0,3 | 1,2 | 0,8 |
| Fonte: IGE. Contas económicas trimestrais (descarga da táboa) |
Evolución do valor engadido bruto por sectores. Volume encadeado referencia ano 2020=100. Datos corrixidos de efectos estacionais e de calendario. Taxas de variación interanual
Unidade: porcentaxe
Fonte: IGE. Contas económicas trimestrais (descarga da táboa)
2 Produto Interior Bruto a prezos correntes e deflactor implícito
No primeiro trimestre do 2025, o PIB valorado a prezos correntes e con datos corrixidos de efectos estacionais e de calendario, rexistra unha variación interanual do 6%, unha décima inferior á rexistrada no trimestre precedente. O deflactor implícito do PIB medrou un 3,1% neste trimestre.
A variación intertrimestral do PIB a prezos correntes sitúase no 1,2% (1,7% no trimestre anterior).
3 Emprego e produtividade
Os postos de traballo equivalentes a tempo completo aumentan un 0,9% en taxa interanual este trimestre, variación semellante á rexistrada no trimestre anterior.
| Dato | 2024/I | 2024/II | 2024/III | 2024/IV | 2025/I |
|---|---|---|---|---|---|
| Postos de traballo equivalentes a tempo completo | 1,8 | 1,0 | 0,9 | 0,9 | 0,9 |
| Horas traballadas | 1,6 | 0,4 | 0,5 | 0,4 | 0,1 |
| Fonte: IGE. Contas económicas trimestrais (descarga da táboa) |
As horas traballadas aumentan un 0,1% en taxa interanual no primeiro trimestre (0,4% no trimestre anterior).
A produtividade aparente real por posto de traballo equivalente a tempo completo medrou un 1,9% neste trimestre, mentres que a produtividade por hora traballada incrementouse un 2,7%.
4 Notas metodolóxicas
As Contas económicas trimestrais son unha estatística de síntese de carácter conxuntural. O seu obxectivo primordial é proporcionar unha descrición cuantitativa e coherente do conxunto da actividade económica galega. Con esta finalidade, elabórase un cadro macroeconómico que ofrece o ritmo de crecemento do PIB galego e das súas compoñentes.
Esta actividade é unha réplica trimestral simplificada das Contas económicas anuais que, pola súa maior frecuencia de elaboración, permite o seguimento conxuntural da actividade económica. Estas estimacións axústanse aos mesmos principios de coherencia e equilibrio contable que as contas de frecuencia anual e, por conseguinte, ao marco do Sistema Europeo de Contas 2010 (SEC-2010). Pódese dicir que as Contas económicas trimestrais supoñen un compromiso entre o rigor e a amplitude das Contas anuais e a rapidez e oportunidade dos indicadores conxunturais.
As utilidades concretas das Contas económicas trimestrais de Galicia son as seguintes:
Medir a evolución da economía no tempo de forma continua e coherente.
Incrementar a calidade do sistema estatístico conxuntural.
Dado o seu carácter sintético e integrador, identifica carencias, suxire cambios e propón un marco de referencia común, susceptible de utilización por estatísticas dispares.
Permite estimar modelos econométricos trimestrais, útiles na análise de políticas económicas e na previsión.