Informe sobre o Índice de Produción Industrial
Periodo de referencia: xaneiro de 2025
Data de publicación: 07/03/2025
ÍNDICE
descarga en pdf
1 Principais resultados
O Indice de produción industrial (IPI) rexistrou en xaneiro de 2025 unha caída do 3,6% con respecto a xaneiro de 2024; en España diminuíu o 1%.
Tendo en conta o destino económico dos bens producidos, os bens de consumo aumentaron un 5,2%, os bens intermedios diminuíron un 2,5% e os bens de equipo reducíronse un 1,2%. Pola súa parte, a enerxía retrocedeu un 12,8%.
Por ramas de actividade, as achegas positivas máis destacables corresponden a: Confección de roupa de vestir que achega 1 punto, Industria da alimentación que suma 0,7 puntos e Fabricación de maquinaria e equipamento n.c.n. que achega 0,6 puntos á taxa interanual.
No que respecta ás repercusións negativas, as principais foron: Fornecemento de enerxía eléctrica, gas, vapor e aire acondicionado que resta 3,2 puntos, Fabricación de vehículos de motor, remolques e semirremolques cunha repercusión de -1,3 puntos e Fabricación de bebidas que resta 0,6 puntos á taxa interanual.
Índice de produción industrial (IPI). Xaneiro de 2025
| Índice | Taxa interanual | |
|---|---|---|
| Xeral | 100,3 | -3,6 |
| Bens de consumo | 103,8 | 5,2 |
| Bens de equipo | 100,1 | -1,2 |
| Bens intermedios | 79,4 | -2,5 |
| Enerxía | 120,1 | -12,8 |
Achegas á taxa de variación interanual do índice xeral
2 Índice xeral e por destino económico dos bens
O Indice de produción industrial (IPI) rexistrou en xaneiro de 2025 unha caída do 3,6% con respecto a xaneiro de 2024; en España diminuíu o 1%.
Por destino económico dos bens, a influenza dos distintos sectores na variación interanual do índice xeral é a seguinte:
Os bens de consumo presentan un crecemento do 5,2%, e achegan 1,1% puntos á taxa interanual.
Os bens de equipo rexistran unha taxa do -1,2%, o que resta 0,3% puntos á taxa interanual.
Os bens intermedios diminúen un 2,5%, cunha repercusión negativa de -0,5% puntos.
Por último, a enerxía, que diminúe un 12,8% e resta -3,9% puntos á taxa de variación interanual do conxunto.
Estes datos poden consultarse no cadro 1 do anexo.
3 Índices por ramas de actividade
Se utilizamos a clasificación nacional de actividades económicas (CNAE 09) a nivel de división para facer unha análise máis detallada do comportamento das distintas ramas de actividade obtemos os resultados que se mostran no cadro 2 do anexo. As ramas de actividade están ordenadas segundo a repercusión que teñen no crecemento interanual do índice xeral.
Atendendo ás distintas ramas industriais o descenso interanual do 3,6% débese principalmente á achega negativa de 11 ramas.
As principais achegas negativas (-7 puntos) foron: Fornecemento de enerxía eléctrica, gas, vapor e aire acondicionado que resta 3,2 puntos, Fabricación de vehículos de motor, remolques e semirremolques que resta 1,3 puntos e Fabricación de bebidas que resta 0,6 puntos á taxa interanual.
As principais achegas positivas (3,4 puntos) foron: Confección de roupa de vestir que suma 1 punto, Industria da alimentación que suma 0,7 puntos e Fabricación de maquinaria e equipamento n.c.n. que suma 0,6 puntos á taxa interanual.
4 Índices por comunidades autónomas
O IPI diminuíu en 9 comunidades autónomas neste mes de xaneiro. Os maiores incrementos rexistráronse en Illes Balears (7,8%), La Rioja (5,4%) e Murcia (3,6%). Pola contra, os maiores descensos presentáronse en Cantabria (-12,8%), Navarra (-8%) e Comunitat Valenciana (-5,5%).
IPI. Xaneiro de 2025
Taxas de variación interanual en %
5 Evolución do índice
No seguinte gráfico mostramos a evolución das taxas de crecemento interanuais do índice xeral para Galicia e para España en termos de ciclo - tendencia que se obtén estimando un modelo ARIMA para cada unha das series, e obtendo o sinal de ciclo - tendencia utilizando a descomposición baseada en modelos que resulta do programa JDemetra.
IPI. Taxas de variación interanual (%). Ciclo-tendencia
6 Notas metodolóxicas
O IPI é un indicador conxuntural que mide a evolución mensual da actividade produtiva das ramas industriais, é dicir, das industrias extractivas, manufactureiras, fornecemento de enerxía eléctrica, gas, vapor e aire acondicionado e fornecemento de auga, actividades de saneamento, xestión de residuos e descontaminación, que son, respectivamente, as seccións B, C D e E da Clasificación Nacional de Actividades Económicas 2009 (CNAE 2009). Mide, por tanto, a evolución conxunta da cantidade e da calidade producidas, eliminando a influenza dos prezos.
Para a súa obtención realízase unha enquisa continua de periodicidade mensual que investiga todos os meses a aproximadamente 11.500 establecementos en España.
7 Anexo cadros
Cadro1. Índice de produción industrial. Xaneiro de 2025
| Índice | Taxa interanual (%) | Repercusión interanual | |
|---|---|---|---|
| Xeral | 100,3 | -3,6 | |
| Bens de consumo | 103,8 | 5,2 | 1,1 |
| Bens de equipo | 100,1 | -1,2 | -0,3 |
| Bens intermedios | 79,4 | -2,5 | -0,5 |
| Enerxía | 120,1 | -12,8 | -3,9 |
| Índice | Taxa interanual (%) | Repercusión interanual | |
|---|---|---|---|
| Xeral | 100,6 | -1,0 | |
| Bens de consumo | 102,5 | 2,0 | 0,5 |
| Bens de equipo | 100,8 | -7,1 | -1,7 |
| Bens intermedios | 93,6 | 0,3 | 0,1 |
| Enerxía | 110,3 | 0,5 | 0,1 |
Fonte: INE
Cadro2. IPI por ramas de actividade. Galicia. Xaneiro de 2025
| Ramas | Taxa interanual (%) | Repercusión interanual | Ponderación |
|---|---|---|---|
| Fornecemento de enerxía eléctrica, gas, vapor e aire acondicionado | -12,3 | -3,2 | 19,4 |
| Fabricación de vehículos de motor, remolques e semirremolques | -9,0 | -1,3 | 13,3 |
| Fabricación de bebidas | -11,6 | -0,6 | 3,8 |
| Outras industrias extractivas | -26,5 | -0,4 | 1,1 |
| Fabricación doutros produtos minerais non metálicos | -10,8 | -0,3 | 3,2 |
| Metalurxia; fabricación de produtos de ferro, aceiro e ferroaliaxes | -10,2 | -0,3 | 5,1 |
| Industria téxtil | -36,4 | -0,2 | 0,8 |
| Artes gráficas e reprodución de soportes gravados | -16,2 | -0,1 | 1,0 |
| Reparación e instalación de maquinaria e equipamento | -1,1 | -0,1 | 4,8 |
| Industria da madeira e da cortiza, agás mobles; cestaría e espartaría | 0,1 | 0,0 | 4,6 |
| Industria química | 1,0 | 0,0 | 1,9 |
| Fabricación de produtos informáticos, electrónicos e ópticos | 9,3 | 0,0 | 0,8 |
| Fabricación de mobles | 3,4 | 0,0 | 1,3 |
| Industria do papel | 6,7 | 0,1 | 1,2 |
| Fabricación de produtos metálicos, agás maquinaria e equipamento | 1,1 | 0,1 | 8,6 |
| Fabricación de material e equipamento eléctrico | 59,4 | 0,1 | 0,5 |
| Outras industrias manufactureiras | 12,8 | 0,1 | 0,7 |
| Fabricación de produtos de caucho e plásticos | 12,7 | 0,2 | 2,3 |
| Fabricación doutro material de transporte | 15,8 | 0,3 | 1,9 |
| Fabricación de maquinaria e equipamento n.c.n. | 24,8 | 0,6 | 2,8 |
| Industria da alimentación | 4,9 | 0,7 | 14,9 |
| Confección de roupa de vestir | 65,1 | 1,0 | 1,8 |
Fonte: INE
Nota: non se amosan na táboa os datos das ramas de Industria do coiro e do calzado, Coquerías e refinación de petróleo, Fabricación de produtos farmacéuticos e Captación, depuración e distribución de auga por estar afectados por un alto erro de mostraxe, ao dispoñer de poucas observacións mostrais
Cadro3. IPI por Comunidades Autónomas. Galicia. Xaneiro de 2025
| CCAA | Índice | Taxa interanual (%) |
|---|---|---|
| Cantabria | 87,64 | -12,8 |
| Navarra, Comunidad Foral de | 95,24 | -8,0 |
| Comunitat Valenciana | 91,15 | -5,5 |
| Galicia | 100,35 | -3,6 |
| Extremadura | 103,38 | -3,2 |
| País Vasco | 97,60 | -2,8 |
| Cataluña | 103,14 | -1,3 |
| España | 100,64 | -1,0 |
| Canarias | 108,96 | -0,6 |
| Madrid, Comunidad de | 106,04 | -0,2 |
| Castilla y León | 105,46 | 0,2 |
| Andalucía | 99,67 | 2,9 |
| Aragón | 108,94 | 3,1 |
| Asturias, Principado de | 95,43 | 3,4 |
| Castilla - La Mancha | 104,51 | 3,5 |
| Murcia, Región de | 96,46 | 3,6 |
| Rioja, La | 99,26 | 5,4 |
| Balears, Illes | 97,29 | 7,8 |
Fonte: INE