Índices de valor unitario para o comercio exterior. Referencia 2010
Datos correspondentes a xaneiro de 2025
Resumo de resultados 20/03/2025
ÍNDICE
descarga en pdf
Introdución
Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.
O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.
As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.
Evolución
No mes de xaneiro os prezos dos bens exportados na Comunidade Autónoma de Galicia aumentaron un 4,4% con respecto ao mesmo mes do ano anterior. Os prezos dos bens importados aumentaron un 6,2% en termos interanuais.
Índices de valor unitario. Taxas de variación interanuais. Galicia
Fonte: IGE (descarga da táboa)
Clasificación por destino económico dos bens
Atendendo á clasificación por destino económico, produciuse un aumento interanual do 6,6% nos prezos das exportacións de bens de consumo. Os prezos dos bens intermedios aumentaron un 3,6% respecto ao mes de xaneiro de 2024 e os prezos dos bens de capital baixaron un 3,4%.
Nas importacións, os prezos dos bens de consumo aumentaron un 3,7% respecto ao mes de xaneiro do ano anterior. Os prezos dos bens intermedios experimentaron un aumento interanual do 6,0% e os dos bens de capital incrementáronse un 15,0%.
| 2024/Xaneiro | 2025/Xaneiro | Variación interanual | 2024/Xaneiro | 2025/Xaneiro | Variación interanual | |
|---|---|---|---|---|---|---|
| BENS DE CONSUMO | 131,49 | 140,12 | 6,6 | 139,94 | 145,18 | 3,7 |
| BENS INTERMEDIOS | 128,88 | 133,47 | 3,6 | 132,24 | 140,22 | 6,0 |
| BENS DE CAPITAL | 147,30 | 142,30 | -3,4 | 81,76 | 94,06 | 15,0 |
| NON ENERXÉTICO | 129,71 | 134,94 | 4,0 | 121,64 | 128,94 | 6,0 |
| IVU TOTAL | 132,87 | 138,65 | 4,4 | 132,45 | 140,60 | 6,2 |
| Fonte: IGE (descarga da táboa) |
Clasificación por orixe/destino xeográfico
Por destino xeográfico, produciuse un aumento interanual do 7,4% nos prezos dos bens exportados aos países da Unión Económica e Monetaria e un incremento do 7,3% nos das exportacións á Unión Europea. Os prezos das exportacións á OCDE aumentaron en xaneiro un 6,3% e os dos bens con destino ao resto do mundo diminuíron un 9,7%.
Por orixe dos bens importados, os prezos dos bens procedentes de países pertencentes á Unión Económica e Monetaria non variaron en termos interanuais. Os prezos das importacións procedentes da Unión Europea incrementáronse un 2,9%, os prezos dos bens procedentes de países da OCDE aumentaron un 7,9% e os prezos dos bens importados procedentes do resto do mundo medraron un 4,0%.
| 2024/Xaneiro | 2025/Xaneiro | Variación interanual | 2024/Xaneiro | 2025/Xaneiro | Variación interanual | |
|---|---|---|---|---|---|---|
| UEM | 128,87 | 138,39 | 7,4 | 113,70 | 113,70 | 0,0 |
| UE | 129,45 | 138,96 | 7,3 | 116,59 | 120,02 | 2,9 |
| OCDE | 133,34 | 141,80 | 6,3 | 118,98 | 128,40 | 7,9 |
| Resto do Mundo | 125,63 | 113,41 | -9,7 | 162,40 | 168,91 | 4,0 |
| Fonte: IGE (descarga da táboa) |
Definicións, fontes e máis información
Definicións
Descarga de datos
- Índices de valor unitario encadeados por áreas xeográficas. Referencia 2010
- Índices de valor unitario encadeados por destino económico. Referencia 2010
Fontes de información
IGE. Índices de valor unitario para o comercio exterior. Referencia 2010.