Índices de valor unitario para o comercio exterior. Referencia 2010
Datos correspondentes a outubro de 2024
Resumo de resultados 23/12/2024
ÍNDICE
descarga en pdf
Introdución
Os Índices de valor unitario para o comercio exterior é unha operación estatística que elabora o Instituto Galego de Estatística (IGE) con periodicidade mensual.
O obxectivo desta operación estatística é obter unha aproximación aos índices de prezos das operacións de exportación e importación de mercadorías con orixe ou destino en Galicia, excluíndo o comercio co resto de España.
As principais utilidades destes índices son as seguintes: permiten aproximar a evolución dos prezos das exportacións e importacións; úsanse como deflactores para seguir a evolución en volume do comercio exterior; serven para construír indicadores como a relación real de intercambio ou os índices de competitividade.
Evolución
No mes de outubro os prezos dos bens exportados na Comunidade Autónoma de Galicia diminuíron un 3,2% con respecto ao mesmo mes do ano anterior. Os prezos dos bens importados aumentaron un 1,5% en termos interanuais.
Índices de valor unitario. Taxas de variación interanuais. Galicia
Fonte: IGE (descarga da táboa)
Clasificación por destino económico dos bens
Atendendo á clasificación por destino económico, produciuse un aumento interanual do 0,78% nos prezos das exportacións de bens de consumo. Os prezos dos bens intermedios diminuíron un 9,10% respecto ao mes de outubro de 2023 e os prezos dos bens de capital baixaron un 5,25%.
Nas importacións, os prezos dos bens de consumo aumentaron un 0,40% respecto ao mes de outubro do ano anterior. Os prezos dos bens intermedios experimentaron un aumento interanual do 1,06% e os dos bens de capital aumentaron un 4,36%.
| 2023/Outubro | 2024/Outubro | Variación interanual | 2023/Outubro | 2024/Outubro | Variación interanual | |
|---|---|---|---|---|---|---|
| BENS DE CONSUMO | 140,73 | 141,83 | 0,78 | 140,08 | 140,64 | 0,40 |
| BENS INTERMEDIOS | 139,50 | 126,81 | -9,10 | 145,02 | 146,55 | 1,06 |
| BENS DE CAPITAL | 150,35 | 142,46 | -5,25 | 89,43 | 93,33 | 4,36 |
| NON ENERXÉTICO | 138,15 | 134,54 | -2,61 | 127,09 | 130,19 | 2,44 |
| IVU TOTAL | 141,90 | 137,40 | -3,17 | 141,64 | 143,83 | 1,55 |
| Fonte: IGE (descarga da táboa) |
Clasificación por orixe/destino xeográfico
Por destino xeográfico, produciuse unha diminución interanual do 6,24% nos prezos dos bens exportados aos países da Unión Económica e Monetaria e una disminución do 5,20% nos das exportacións á Unión Europea. Os prezos das exportacións á OCDE diminuíron en outubro un 5,19% e os dos bens con destino ao resto do mundo aumentaron un 13,49%.
Por orixe dos bens importados, os prezos dos bens procedentes de países pertencentes á Unión Económica e Monetaria diminuíron un 3,38% en termos interanuais. Os prezos das importacións procedentes da Unión Europea aumentaron un 9,63%, os prezos dos bens procedentes de países da OCDE aumentaron un 7,67% e os prezos dos bens importados procedentes do resto do mundo diminuíron un 6,51%.
| 2023/Outubro | 2024/Outubro | Variación interanual | 2023/Outubro | 2024/Outubro | Variación interanual | |
|---|---|---|---|---|---|---|
| UEM | 139,99 | 131,25 | -6,24 | 119,85 | 115,80 | -3,38 |
| UE | 141,45 | 134,10 | -5,20 | 123,32 | 135,20 | 9,63 |
| OCDE | 144,30 | 136,81 | -5,19 | 128,21 | 138,05 | 7,67 |
| Resto do Mundo | 122,10 | 138,57 | 13,49 | 172,60 | 161,36 | -6,51 |
| Fonte: IGE (descarga da táboa) |
Definicións, fontes e máis información
Definicións
Descarga de datos
- Índices de valor unitario encadeados por áreas xeográficas. Referencia 2010
- Índices de valor unitario encadeados por destino económico. Referencia 2010
Fontes de información
IGE. Índices de valor unitario para o comercio exterior. Referencia 2010.