Medio
02/05/2024
ÍNDICE
descarga en pdf
Clima
Auga
En 2020 distribuíronse preto de 177,9 hectómetros cúbicos de auga nas redes públicas de abastecemento urbano de Galicia. O 72,1% do total de auga distribuída destinouse aos fogares, que consumiron unha media de 130 litros por persoa e día.
En 2020 o custo unitario da auga en Galicia situouse en 1,24 euros por metro cúbico, o que supón unha diminución do 3,1% respecto ao ano 2018. En comparación co custo unitario para o conxunto de España, o metro cúbico é 68 céntimos máis barato en Galicia.
O custo unitario de subministro de auga na Comunidade Autónoma de Galicia situouse nos 0,69 euros por metro cúbico, mentres que o de saneamento foi de 0,55 euros.
Segundo o módulo de características e medio da Enquisa estrutural a fogares, o 84,84% das vivendas familiares principais de Galicia dispón de conexión pública de augas residuais (rede de sumidoiros).
Ao facer a comparación por provincias, obsérvase que Ourense é a provincia con maior porcentaxe de vivendas que dispoñen destas instalacións (96,09%) mentres que en Lugo esta porcentaxe sitúase no 69,23%.
Residuos de competencia municipal
En 2022 recolléronse en Galicia aproximadamente 1.116 mil toneladas de residuos de competencia municipal, dos cales o 18% foi recollido de forma selectiva. Estas cifras supoñen unha media de 414,0 kg de residuos urbanos por persoa e ano. Polo que respecta á recollida selectiva, recolléronse 15,2 kg por persoa e ano de papel e 18,8 kg de vidro.
| Toneladas | kg persoa e ano | |
|---|---|---|
| Total | 1.115.765 | 414,05 |
| Fracción orgánica | 47.586 | 17,66 |
| Vidro | 50.581 | 18,77 |
| Papel | 40.920 | 15,19 |
| Envases | 32.413 | 12,03 |
| Residuos voluminosos | 17.713 | 6,57 |
| Pilas | 324 | 0,12 |
| Residuos de aparellos eléctricos e electrónicos | 14.401 | 5,34 |
| Resto | 783.714 | 290,83 |
| Fracción inorgánica | 128.114 | 47,54 |
| Subtotal selectiva | 203.937 | 75,68 |
| Subtotal mesturados | 911.829 | 338,37 |
| Consellería de Medio Ambiente e Ordenación do Territorio |
Gases de efecto invernadoiro
As emisións á atmosfera de gases de efecto invernadorio dende a Comunidade Autónoma galega aumentaron de forma continuada (con algún período intercalado de lixeira diminución) ata 2004, ano no que se acada o valor máis elevado da serie (cun volume de emisións de 37.299 kt, expresadas como CO2 equivalente). A partir de entón, o volume de emisións á atmosfera de gases de efecto invernadoiro dende Galicia comezou a diminuír, con breves períodos de repunte das emisións, como en 2007 e en 2012. No último ano no que se dispón de información (2022) rexistrouse un aumento interanual do 1,9%.
Protección ambiental
| 2020 | 2021 | |
|---|---|---|
| Total | 35.992.276 | 38.305.892 |
| Protección do aire e o clima | 26.715.299 | 20.290.877 |
| Xestión de augas residuais | 1.556.863 | 7.163.210 |
| Xestión de residuos | 4.147.159 | 2.522.888 |
| Protección e descontaminación de solos, augas subterráneas e superficiais | 1.088.526 | 663.615 |
| Protección do ruído e das vibracións | 203.773 | 694.517 |
| Protección da biodiversidade e as paisaxes | 786.861 | 170.543 |
| Outras actividades de protección | 1.493.795 | 6.800.242 |
| NE. Estadísticas sobre las actividades de protección medioambiental. |
En 2021 os establecementos empresariais galegos tiveron un investimento total de 38,3 millóns de euros en protección ambiental, un 6,4% máis que no ano anterior.